وزیر اعلیٰ سندھ کے معاون خصوصی سید قاسم نوید قمر کی ڈاکٹر عاصم حسین سے ملاقات

وزیر اعلیٰ سندھ کے معاون خصوصی برائے بورڈ آف انویسٹمنٹ اور پبلک پرائیویٹ پارٹنرشپ پروجکٹس سید قاسم نوید قمر نے سیکریٹری بورڈ آف انویسٹمنٹ زاہد حسین عباسی کے ہمراہ پاکستان پیپلز پارٹی کے رہنما ڈاکٹر عاصم حسین سے ان کے دفتر میں ملاقات کی۔ اس موقع پر سندھ کی مجموعی سیاسی صورتحال اور صوبے میں سرمایہ کاری کے مواقع کے حوالے سے تبادلہ خیال کیا گیا۔

ملاقات کے دوران ڈاکٹر عاصم حسین نے سید قاسم نوید قمر کو ان کی نئ ذمداریوں پر مبارکباد دی اور امید ظاہر کی کہ وہ پاکستان پیپلز پارٹی کی قیادت اور عوام کی توقعات پر پورا اتریں گے۔ وزیر اعلیٰ سندھ کے معاون خصوصی برائے بورڈ آف انویسٹمنٹ اور پبلک پرائیویٹ پارٹنرشپ پروجکٹس سید قاسم نوید قمر نے کہا کہ سندھ میں سرمایہ کاری کے وسیع مواقع موجود ہیں اور ان کی ہر ممکن کوشش ہوگی کہ مقامی سرمایہ کاروں کے ساتھ ساتھ بین الاقوامی سرمایہ کاروں کو بھی صوبہ سندھ میں سرمایہ کاری کی ترغیب دیں۔