"مذہبی آزادی” تحریر : شاہ زیب

‏
آج جب پاکستان کی عوام 75واں یوم آزادی منانے کی تیاریوں میں مصروف ہیں ہر طرف رونق اور خوشیاں ہیں تو ایسے میں ہمارا فرض ہے کہ ہم اپنے باقی ہم وطنوں کا بھی خیال رکھیں جو اقلیت پاکستان میں ہے یہ ملک اتنا ہی ان کا بھی ہے جتنا کے آپ کا یا میرا ۔۔۔
پاکستان بنانے والے ہمارے بزرگوں نے کبھی بھی مذہبی انتہا پسندی کی حوصلہ افزائی نہیں کی تھی پاکستان کے بانی قائد اعظم محمد علی جناح نے واشگاف الفاظ میں کہا تھا کہ آپ کا مذہب جو بھی ہو آپ جس بھی عقیدے سے تعلق رکھتے ہوں آپ کو کوئی نقصان نہیں ہوگا اس ملک میں بدقسمتی سے کچھ عرصہ سے کچھ شدت پسند پسند عناصر ہماری عوام میں لسانی اور مذہبی فسادات کروانے کی کوشش کر رہے ہیں جس میں وہ اکثر کامیاب بھی ہو جاتے ہیں اور سادہ لوح عوام کو آپس میں لڑوا کر خوش ہوتے ہیں۔
یہ بات ہمارے سمجھنے کی ہے کہ اس ملک میں ہم آزاد شہری ہیں جو اپنی زندگی اپنی مرضی سے گزار سکتے ہیں اپنی عبادت اپنے مذہب اور اپنے عقیدے کے لحاظ سے کر سکتا ہے ہم میں سے کوئی بھی کسی کے عقیدے یا مذہب پر نا سوال کر سکتا ہے نہ ہی اسے کرنا چاہیے پاکستان وہ ملک ہے جہاں مسلمان ہندو عیسائی سکھ سمیت بہت سے مسلک کے لوگ رہتے ہیں یہاں پر ہر کوئی آزاد ہے خدارا کسی کی باتوں میں آکر کسی کے مذہبی عقیدے پر سوال نہیں اٹھایا اور نہ ہی ہیں انجانے میں اس کی دل آزاری کا باعث بنیں۔۔ شکریہ

‎@shahzeb___