امریکہ کا برق رفتارریسکیوآپریشن:کابل سے تمام شہری نکال لئے:اہم اورحساس دستاویزات بھی جلادیں

کابل:امریکہ کا برق رفتارریسکیوآپریشن:کابل سے تمام شہری نکال لئے:اہم اورحساس دستاویزات بھی جلادیں،اطلاعات کے مطابق کابل شہر سے باغی ٹی وی کوموصول ہونے والی اطلاعات میں بتایا گیا ہے کہ امریکہ نے اپنے شہریوں کوبحفاظت وہاں سے نکالنے کے لیے برق رفتارآپریشن کیا ہے

ذرائع کے مطابق امریکی کمانڈوز نے بڑی ہوشیاری اوربرق رفتاری سے اپنے شہریوں کوکابل سے نکال کردیگرملکوں میں منتقل کیا ہے

یہ بھی خبریں آرہی ہیں کہ اس وقت کوئی امریکی شہری کابل کے اندرنہیں ہے ،

ادھرکابل سے ذمہ دارذرائع کا کہنا ہے کہ امریکی فوج نے پینٹا گان کی ہدایت پراہم اورحساس دستاویزات اوردیگراشیا جلا دی ہیں جن سے اٹھتے ہوئے دھوئیں کو بڑی دورسے دیکھا گیا

باغی ٹی وی کو یہ بھی بتایا گیا ہے کہ کابل شہرمیں امریکی سفارتخانے پرلگے ہوئے امریکی پرچم کو بھی امریکی فوج واپس امریکہ لے گئی ہے

ادھر دوسری طرف افغان طالبان کا کہنا ہے کہ ان کی طرف سے عام معافی کا اعلان ہے اورغیرملکیوں کے حوالے سے خصوصی اعلان ے کہ کسی غیرملکی کو بے سہارا نہیں چھوڑا جائے گا بلکہ اس کی حفاظت کی ذمہ داری افغان طالبان پرہے