ایک اعلیٰ سطحی فوجی وفد کی سربراہی جنرل فیاض بن حامد الرویلی ، چیف آف جنرل سٹاف مملکت سعودی عرب نے جنرل ہیڈ کوارٹر میں آرمی چیف جنرل قمر جاوید باجوہ سے ملاقات کی۔
باغی ٹی وی : ملاقات کے دوران جیو اسٹریٹجک ماحول ، افغانستان میں سکیورٹی کی صورتحال اور باہمی دلچسپی کے امور پر تبادلہ خیال کیا گیا جس میں دو طرفہ دفاعی تعاون اور ٹریننگ ایکسچینج پروگرام شامل ہیں۔ علاقائی سلامتی کی بڑھتی ہوئی صورت حال کے پیش نظر سعودی سی جی ایس نے خطے میں امن کے لیے پاکستان کی کوششوں کی مکمل حمایت کا اظہار کیا۔
معززین نے دہشت گردی کے خلاف جنگ میں پاک فوج کی کامیابیوں اور علاقائی امن و استحکام کے لیے شراکت کا اعتراف کیا۔ سعودی سی جی ایس نے سعودی مسلح افواج کی تربیت میں پاکستان کی مسلسل مدد پر شکریہ ادا کیا اور دوطرفہ دفاعی تعاون بڑھانے کی خواہش کا اظہار کیا۔
اس سے قبل جی ایچ کیو پہنچنے پر جنرل فیاض بن حامد الرویلی نے یادگار شہدا پر پھولوں کی چادر چڑھائی۔ پاک فوج کے چاق و چوبند دستے نے آنے والے معززین کو گارڈ آف آنر پیش کیا۔
Leave a reply
