سی این این کی خاتون رپورٹر کلاریسا وارڈ کی برقع پہن کر کابل میں رپورٹنگ کرنے کی تصویر سوشل میڈیا پر وائرل ہو رہی ہے-
باغی ٹی وی : طالبان کی افغانستان میں حکومت کے اثرات ایک ہی دن میں ہونا شروع ہو چکے ہیں اس کی تازہ مثال سی این این کی خاتون رپورٹر کلاریسا وارڈ کی ہے جو برقع پہن کر رپورٹنگ کر رہی ہیں اور ان کی تصاویر سوشل میڈیا پر کافی وائرل ہو رہی ہیں۔
کلاریسا وارڈ سی این این کیلئے سڑکوں پر عوام اور طالبان کے ساتھ بات چیت کر رہی ہیں برقع میں ملبوس سی این این کی رپورٹر نے شہر کے مختلف علاقوں کا چکر لگایا اور اپنے چینل کے ذریعے شہر کے حالات سے آگاہ کیا-
کلاریسا وارڈ نے سیاہ رنگ کا برقع پہن رکھا ہے اور مختلف مقامات سے رپورٹس بھیج رہی ہیں کہ افغان طالبان کے آنے کے بعد کابل کی کیا صورتحال ہے۔
سی این این کی خاتون رپورٹر کے مطابق فتح پر خوشی سے سرشار طالبان شہر کی سڑکوں پر گشت کرتے دکھائی دیئے افغان صدارتی محل اور امریکی سفارتخانے کا کنٹرول بھی ان کے ہاتھ میں ہے شہریوں کے ساتھ ان کا رویہ دوستانہ ہے اور عوام ان کے ساتھ تصویریں بھی بنوا رہے ہیں –
کلاریسا وارڈ نے رپورٹ دی کہ طالبان جنگجووں کا کہنا تھا کہ صورتحال قابو میں ہے کسی کو پریشان ہونے کی ضرورت نہیں تاہم طالبان جنگجوؤں نے امریکہ کے خلاف نعرے بھی لگائے ۔
کلاریسا کے مطابق انہیں دیکھ کر طالبان جنگجو تھوڑا پریشان دکھائی دیئے تاہم انہیں کوریج سے نہیں روکا ۔
