امریکا میں جنوبی اور شمال مشرقی ریاستوں میں طوفانی بارشوں کے بعد سیلابی صورتحال پیدا ہوگئی 22 افراد ہلاک اور متعدد لاپتہ ہو گئے۔
باغی ٹی وی : غیر ملکی میڈیا کے مطابق امریکہ میں شدید طوفانی بارشوں کے باعث جنوبی اور شمال مشرقی ریاستوں میں سیلابی صورتحال پیدا ہو گئی ہے جبکہ ہلاکتوں میں مزید اضافے کا خدشہ ہے۔
امریکہ میں طوفانی بارشوں کی وجہ سے مواصلاتی نظام بری طرح سے متاثر ہوا ہے جبکہ متعدد پروازیں بھی منسوخ کر دی گئی ہیں۔ کئی مقامات پر سڑکیں تالاب کا منظر پیش کررہی ہیں اور ہزاروں افراد بجلی سے محروم ہیں۔
امریکی ریاست ٹینسی طوفانی بارشوں سے شدید متاثر ہوئی ہے جہاں ایک روز میں 423 ملی میٹر بارش ریکارڈ کی گئی صرف ریاست ٹینیسی میں کم از کم 16 افراد ہلاک اور درجنوں لاپتا ہوگئے-
