مظفر آباد کے قریب دریائے نیلم میں سیلفی لیتے ہوئے دو نوجوان ڈوب گئے۔
باغی ٹی وی : ریسکیو حکام کے مطابق حادثہ مظفرآباد کے قریب تانگہ اسٹینڈ کے مقام پر گزشتہ رات پیش آیا ایک دوست سیلفی لیتے ہوئے پیر پھسلنے سے دریا میں گر گیا، دوسرے دوست نے اسے بچانے کے لیے دریا میں چھلانگ لگا دی اور دونوں تیز موجوں کی نظر ہوگئے۔
ریسکیو اہلکاروں کے مطابق جاں بحق ہونے والے نوجواںوں کی شناخت عمر اسلم اورممتاز مرتضیٰ کے نام سے ہوئی دونوں نوجوان آزاد کشمیر کے علاقے موڑہ صادق کے رہائشی تھے۔ دونوں دوست سیر و تفریح کے لیے وادی نیلم گئے تھے۔
خیال رہے کہ گرمیوں میں دریائے نیلم کا بہاﺅ انتہائی تیز ہے اور اس میں گرنے یا ڈوبنے کے بعد بچنے کے امکانات بہت کم ہوتے ہیں۔
Leave a reply
