پرائیویٹ اسکولز ایسوسی ایشنز نے ویکسینیشن سے متعلق اسکولوں سے ڈیٹا طلب کرنا شروع کردیا

پرائیویٹ اسکولز ایسوسی ایشنز نے کورونا ویکسینیشن سے متعلق نجی اسکولوں سے ڈیٹا طلب کرنا شروع کر دیا ہے۔

تفصیلات کے مطابق گوگل فارم کے ذریعے پرائیویٹ اسکولز ایسوسی ایشن کی جانب سے کورونا ویکسینیشن سے متعلق تفصیلات طلب کی جا رہی ہے۔

پرائیویٹ اسکولز ایسوسی ایشنز کے مطابق ڈیٹا طلب کر کے ڈائریکٹوریٹ پرائیویٹ اسکولز کو کورونا ویکسینیشن سے متعلق رپورٹ جمع کروائیں گے۔

پرائیویٹ اسکولز ایسوسی ایشنز کا کہنا ہے کہ نجی اسکولوں کی نمائندہ تنظیموں نے 23 اگست کو وزیر تعلیم کو عملے کی 100 فیصد کورونا ویکسینیشن مکمل کرنے کی یقین دہانی کرائی تھی۔

محکمہ تعلیم سندھ کے مطابق 100 فیصد ویکسینیشن کروانے والے اسکولوں کو 30 اگست سے کھولنے کی اجازت ہوگی، 50 فیصد حاضری کے ساتھ اسکول کھولنے کی اجازت ہوگی۔