ہم جنسی پرستی کو پروموٹ کرنے والا گینگ ڈرامائی اندازمیں گرفتار

فیصل آباد : ہم جنسی پرستی کو پروموٹ کرنے والا گینگ ڈرامائی اندازمیں گرفتار ،اطلاعات کے مطابق وفاقی تحقیقاتی ادارے نے کارروائی کرتے ہوئے چائلڈ پورنو گرافی کے گینگ کو گرفتار کر لیا ہے۔ایف آئی اے حکام کے مطابق یہ ملزمان ہم جنس پرستی کی تصاویر سوشل میڈیا پر لگاتے تھے۔

ذرائع کے مطابق وفاقی تحقیقاتی ادارے کے سائبر کرائم ونگ نے چائلڈ پورنوگرافی میں ملوث گینگ کو گرفتار کر لیا ہے۔گرفتار کیے گئے ملزمان میں اسد علی،تنویر خان، عمیر ریاض اور عثمان غنی شامل ہیں۔’

ایف آئی اے حکام کے مطابق رواں ماہ ہی شہر قائد میں بھی چائلڈ پورنوگرافی کے ملزم کو گرفتار کیا گیا تھا۔ مقامی عدالت نے چائلڈ پورنو گرافی، بلیک میلنگ اور ہراسمنٹ کے مقدمے میں گرفتار ملزم کو ایک روزہ جسمانی ریمانڈ پر ایف آئی اے کے حوالے کیا۔

سٹی کورٹ میں جوڈیشل مجسٹریٹ جنوبی کے روبرو چائلڈ پورنو گرافی، بلیک میلنگ اور ہراسمنٹ سے متعلق مقدمے کی سماعت ہوئی۔ ایف آئی اے نے ملزم حسین کو عدالت میں پیش کیا۔ تفتیشی افسر نے بتایا کہ دوران تفتیش ملزم نے کئی ساتھیوں کے نام بتائے ہیں۔ دیگر ملزمان کو گرفتار کرنا اور تحقیات کرنی ہے۔ کم عمر بچوں کی نازیبا تصاویر پھیلانے کا گروہ موجود ہے۔

ایف آئی اے نے شہری کی شکایت پر ملزم کو صدر کے علاقہ سے گرفتار کیا تھا۔ عدالت نے ملزم حسین کو ایک روزہ جسمانی ریمانڈ پر ایف آئی اے کے حوالے کردیا۔