بلاول کے دیس میں کُتوں کا راج:کراچی ایئرپورٹ کے رن وے پر آوارہ کتوں کا مٹر گشت

کراچی: بلاول کے دیس میں کُتوں کا راج:کراچی ایئرپورٹ کے رن وے پر آوارہ کتوں کا مٹر گشت ،اطلاعات کےمطابق سندھ میں گُڈ گورننس کا دعویٰ کرنے والے پی پی چیئرمین بلاول بھٹو کے دیس میں کُتوں کے راج کی خبریں‌ اس وقت پاکستانیوں‌کی توجہ کا مرکز بن گئےہیں‌،

بلاول کے دیس کراچی سے آنے والی اطلاعات میں‌بتایا گیا ہے کہ آوارہ کتے خوراک کی تلاش میں کراچی ایئرپورٹ کے رن وے اور ایپرن ایریا میں داخل ہوگئے، آوارہ کتوں کا آزادانہ مٹر گشت اس وقت رپورٹ ہوا جب ایک نجی ایئرلائن کی پرواز اسلام آباد کےلیے ٹیک آف کررہی تھی۔

سوشل میڈیا پروائرل ہونےوالی ویڈیومیں دیکھا جاسکتا ہے کہ جناح ٹرمینل ائرپورٹ فنل ایریا میں آوارہ کتوں کا مٹر گشت کرنے لگے، توں کے ایئر پورٹ کےحساس مقام پر داخل ہونے سے سول ایوی ایشن انتظامات کی قلعی کھل گئی۔

آوارہ کتوں کا آزادانہ مٹر گشت اس وقت رپورٹ ہوا جب ایک نجی ائرلائن کی پرواز اسلام آباد کے لیے ٹیک آف کررہی تھی، مسافروں سے بھری پرواز کی رن وے پر ٹیکسی کے دوران کتے آزادانہ گھومتے دکھائی دیے۔

ایئرپورٹ ذرائع کا کہنا ہے کہ ایئرپورٹ کے رن وے کے قریب کتے اچانک کسی جانب سے نمودار ہوئے، آوارہ جانور کی وجہ سے ایئرپورٹ رن وے پر ٹیک آف اور لینڈنگ کرنے والے جہازوں کو حادثہ بھی پیش آسکتا تھا۔