غیر یقینی صورتحال میں بہادری، پیشہ ورانہ مہارت،کپتان مقصود بجارانی کو ایوارڈ مل گیا

پی آئی اے کے کپتان مقصود بجارانی کوصدرمملکت نے صدارتی ایوارڈ سے نواز دیا۔

باغی ٹی وی : صدرعارف علوی نے کیپٹن مقصود بجارانی کو کابل ایئرپورٹ سے مشکل حالات میں ،غیر یقینی صورتحال میں بہادری، پیشہ ورانہ مہارت کے ساتھ مسافروں کو سلامتی سے وطن لانے پرایوارڈ سے نوازا۔

افغانستان میں فوجی مشن ختم،سفارتی مشن شروع ،طالبان سے تعلقات امریکی مفاد پر مبنی ہوں گے امریکا

15 اگست کو پی آئی اے کا طیارہ سفارت کاروں اورمسافروں کو لینے کابل پہنچا تو حالات اچانک ہی خراب ہوگئےپی آئی کا طیارہ کابل ایئرپورٹ کے رن وے پر اکیلا رہ گیا اس دوران طالبان کابل ایئرپورٹ میں داخل ہوگئےتھے۔

کابل ائیر پورٹ سے ٹیک آف کے وقت کیپٹن بحارانی کو کنٹرول ٹاور اور ائیرٹریفک کنٹرولر کی رہنمائی بھی حاصل نہیں تھی، اے ٹی سی کی جانب سے کپتان کوبتایا گیا ہم جارہے ہیں اپنا فیصلہ خود کریں اوراے تھری ٹونٹی کے کپتان کو اے ٹی سی نے اپنی ذمہ داری پر جہاز اڑانے کا کہا کپتان سے مشکل صورتحال میں سی ای او پی آئی اے کا رابطہ ہوا۔ سی ای او پی آئی اے نے کپتان کو مشکل صورتحال میں اعصاب پر قابو پانے کا مشورہ دیا۔

افغانستان نے آج مکمل آزادی حاصل کر لی ذبیح اللہ مجاہد

کپتان نے سی ای او کو بتایا کہ دو لڑاکا طیارے رن وے پر اڑان بھرنے کے لیے تیار ہیں ایئر مارشل ارشد ملک نے کپتان کو فوری تیار ہونے کا کہا اور کپتان کو جیٹ طیاروں کے پیچھے رن وے پر تیزی سے دوڑاتے ہوئے ٹیک آف کی تکنیکی مہارت سے آگاہ کیا۔ کپتان نے سی ای او کے مشورے پر طیارے کو انتہائی مہارت سے بحفاطت ٹیک آف کیا۔

طیارے کے کپتان کی حاضر دماغی اور سی ای او پی آئی اے کی کوآرڈینیشن سے طیارہ اور 170 مسافر بحفاظت وطن پہنچنے میں کامیاب ہوئے تھے کپتان کےاقدام کو پی آئی اے اور پائلٹس کی بین الاقوامی تنظیم ایفالپا نے بھی سراہا تھا۔

ذبیح اللہ مجاہد کا کابل ایئر پورٹ کا دورہ، کیا اہم اعلان