اسپین کے وزیرخارجہ کا پہلا دورہ پاکستان خوشی ہوئی ہے:مل کرکام کریں گے:شاہ محمود قریشی

اسلام آباد:اسپین کے وزیرخارجہ کا پہلا دورہ پاکستان خوشی ہوئی ہے:مل کرکام کریں گے:شاہ محمود قریشی ،اطلاعات کے مطابق وزیرخارجہ مخدوم شاہ محمود قریشی اوراسپین کے وزیرخارجہ Jose Manuel Albares کی وزارتِ خارجہ میں مشترکہ پریس کانفرنس ہوئی ہے جس میں دونوں ملکوں نے مل کرکام کرنے کی ٰخواہش کا اظہارکیا ہے

اس موقع پر وزیرخارجہ شاہ محمود قریشی نے کہا کہ میں اسپین کے وزیر خارجہ کو پاکستان اور وزارتِ خارجہ تشریف آوری پر خوش آمدید کہتا ہوں، یہ اسپین کے وزیر خارجہ کا پہلا دورہ پاکستان ہے،

مخدوم شاہ محمود قریشی نے کہا کہ ان کا دورہ اس موقع پر ہو رہا ہے جب پاکستان اور اسپین کے درمیان سفارتی تعلقات کے ستر سال مکمل ہونے جا رہے ہیں، پاکستان اور اسپین کے درمیان گہرے دو طرفہ تعلقات ہیں،

مخدوم شاہ محمود قریشی نے کہا کہ میں نے اسپین کے وزیر خارجہ کو افغانستان کی موجودہ صورتحال پر پاکستان کے نقطہ نظر سے آگاہ کیا، میری 24 مختلف ممالک کے وزرائے خارجہ کے ساتھ افغانستان کی صورتحال کے حوالے سے گفتگو ہوئی،

مخدوم شاہ محمود قریشی نے کہا کہ 15 اگست کے بعد اسپین کے وزیر خارجہ، پاکستان کا دورہ کرنے والے چھٹے وزیر خارجہ ہیں،میں نے،افغانستان کی صورتحال پر مشترکہ لائحہ عمل کیلئے، علاقائی ممالک کا دورہ کیا،

مخدوم شاہ محمود قریشی نے کہا کہ وزیر اعظم عمران خان کا افغانستان کے حوالے سے تیرہ گلوبل رہنماؤں سے رابطہ ہوا،مخدوم شاہ محمود قریشی نے کہا کہ افغانستان کے حوالے سے پاکستان اور اسپین کے نقطہ نظر میں مماثلت ہے،

مخدوم شاہ محمود قریشی نے کہا کہ دونوں ممالک پرامن، مستحکم اور خوشحال افغانستان کے متمنی ہیں،سوال یہ. ہے کہ ان مقاصد کا حصول کیسے ممکن ہو؟اسپائلرز نے دوحہ میں بین الافغان مذاکرات کو حتمی نتیجے تک نہیں پہنچنے دیا،

مخدوم شاہ محمود قریشی نے کہا کہ اگر بین الافغان مذاکرات نتیجہ خیز ثابت ہوتے تو صورتحال مختلف ہوتی، دنیا کو افغانستان میں نئی حقیقت کو سمجھنے کی ضرورت ہے ،عالمی برادری کو افغانستان کی معاونت کیلئے آگے بڑھنا ہوگا،
موجودہ صورتحال میں افغانستان کو تنہا چھوڑنے کے مضمرات شدید نوعیت کے ہو سکتے ہیں،

مخدوم شاہ محمود قریشی نے کہا کہ ہمیں افغانستان کی طرف سے مثبت رویے کی حوصلہ افزائی کرنی چاہیے، کل کابل سے 200 افراد کو لیکر ایک فلائیٹ دوحہ پہنچی-افغانستان سے واپسی کے متمنی افراد کا محفوظ انخلاء عالمی برادری کی خواہشات کے مطابق ہے،

مخدوم شاہ محمود قریشی نے کہا کہ پاکستان، افغانستان کی معاونت جاری رکھے ہوئے ہے، کل، ہمارا ایک جہاز خوراک اور ادویات لے کر کابل پہنچا،ہم اپنے محدود وسائل کے باوجود، ہوائی اور زمینی راستوں سے افغان بھائیوں کی انسانی بنیادوں پر معاونت جاری رکھیں گے، افغانستان کا معاشی بحران کسی کے مفاد میں نہیں،

مخدوم شاہ محمود قریشی نے کہا کہ ضرورت اس بات کی ہے کہ افغانستان کیلئے وسائل کی دستیابی کو ممکن بنایا جائے، افغانستان کے فنڈز کا انجماد مفید نہیں ہو گا، عالمی برادری کو افغانستان کو مالی بحران سے بچانے اور معاونت کیلئے آگے بڑھنے کی ضرورت ہے ،

مخدوم شاہ محمود قریشی نے کہا کہ میں نے فیٹف کے حوالے سے پاکستان کی طرف سے اٹھائے گئے ٹھوس عملی اقدامات سے آگاہ کیا، میں نے جی ایس پی پلس اسٹیٹس کے حوالے سے اسپین کی طرف سے پاکستان کی مسلسل حمایت پر اسپین کے وزیر خارجہ کا شکریہ ادا کیا،

مخدوم شاہ محمود قریشی نے کہا کہ ہم پاکستان اور اسپین کے درمیان پانچویں سالانہ مشاورتی اجلاس کے جلد انعقاد کے متمنی ہیں،اسپین یورپ میں پاکستان کا تیسرا بڑا شراکت دار ہے، اسپین کیلئے پاکستان میں سرمایہ کاری کے بہترین مواقع میسر ہیں،

مخدوم شاہ محمود قریشی نے کہا کہ پاکستان کی بہتر صورتحال کو مدنظر رکھتے ہوئے بہت سے ممالک نے ٹریول ایڈوایزی پر نظر ثانی کی ہے،

مخدوم شاہ محمود قریشی نے کہا کہ میں نے اسی تناظر میں، اسپین کے وزیر خارجہ سے پاکستان کے حوالے سے ٹریول ایڈوایزی پر نظر ثانی کیے جانے کا مطالبہ کیا ہے،