مشاورت کے بعد چیئرمین نیب کی مدت ملازمت میں توسیع کیلئے مسودہ تیار

اسلام آباد: وزارت قانون نے صدارتی آرڈیننس کے ذریعے چیئرمین نیب کو توسیع دینے کا مسودہ تیار کرلیا جس کا متن وزیراعظم کی منظوری کے بعد صدر مملکت کو پیش کیا جائے گا۔

نجی ٹی وی کے مطابق وزیر اعظم عمران خان نے وزیر قانون کو چیئرمین نیب کو توسیع دینے کا مسودہ تیار کرنے کی ہدایت کردی ہے، مجوزہ آرڈیننس کے تحت جاوید اقبال نئے چیئرمین نیب کی تعیناتی تک کام کرتے رہیں گے، نیب آرڈیننس 1999 کی شق 6 کے تحت چیئرمین نیب کی مدت کو توسیع نہیں دی جاسکتی۔

واضح رہے کہ حکومت نے چیئرمین نیب کی تعیناتی پر اپوزیشن لیڈر شہباز شریف سے مشاورت نہ کرنے کا فیصلہ کیا ہے، اس سلسلے میں فواد چوہدری کا کہنا تھا کہ شہباز شریف سے اگلے چیئرمین نیب کے بارے میں پوچھنے کا مطلب ہے کہ ملزم سے پوچھیں کہ اس کی تفتیش کون کرے گا۔

دوسری طرف اپوزیشن لیڈرمیاں شہبازشریف کے ملازمین نے یہ اقرارکرلیا ہےکہ شریف فیملی نے ان کے نام پربڑے پیمانے پرمنی لانڈرنگ کی ہے ، یہ وجہ ہےکہ بہت جلد شہازشریف کے خلاف کیس چلنے کا امکان ہے جس میں یہ الزامات ثابت ہونے کی صورت میں 25 سال کی قید کی سزا مل سکتی ہے