عمر-شریف-سب-کو-اداس-کرگئے،-شوبز-فنکاروں-کا-شدید-افسوس-کا-اظہار #Baaghi
پاکستانتازہ ترین

عمر شریف سب کو اداس کرگئے، شوبز فنکاروں کا شدید افسوس کا اظہار

4 سال قبل
4 سال قبل

عمر شریف کے انتقال پر جہاں ان کے مداح اداس ہیں وہیں ان کے ساتھی اور شوبز انڈسٹری کی شخصیات بھی غم میں مبتلا ہیں-

باغی ٹی وی : پاکستان شوبز انڈسٹری کے سینئیر اداکارقوی خان عمر شریف کے انتقال پر آبدیدہ ہو گئے۔ انہوں نے کہا ہے کہ عمر شریف بہترین انسان تھے وہ ہمیشہ سینئر اداکاروں کا خیال رکھتے تھےعمر شریف سب کو اداس کرگئے ہیں-


اداکار و میزبان فیصل قریشی نے کامیڈی کنگ عُمر شریف کے انتقال پر شدید افسوس کا اظہار کیا ٹویٹ میں لکھا کہ ہمارے اپنے ہی کامیڈی بادشاہ عمر شریف کے انتقال کی افسوسناک خبر موصول ہونے پر دل ٹوٹ گیا ہے


انہوں نے کہا کہ وہ ہماری صنعت میں ایک نایاب انسان تھے اور ہمارے درمیان کسی لیجنڈ سے کم نہیں۔ اللہ تعالی جنت الفردوس میں اعلیٰ مقام عطا فرمائے۔ اس مشکل وقت میں ان کے اہل خانہ کے لیے دعائیں۔۔

طنز و مزاح کا آفتاب آج غروب ہوگیا ،عمر شریف کے انتقال پرسیاستدانوں کا انتہائی افسوس کا اظہار

عمر شریف کے ساتھی روؤف لالا اور وسیم عباس بھی رنجیدہ ہو گئے ، وسیم عباس نے کہا کوئی اور عمر شریف پیداہونے کے لیے ایک صدی درکار ہوگی۔


گلو کارابرار الحق نے عمر شریف کے انتقال پر اظہارِ افسوس کرتے ہوئے کہا کہ ہمیں ہنسانے والا آج ہمیں رُلا کر چلا گیا عمر شریف کی حب الوطنی اور انسان دوستی کو نہیں بُھولا جاسکتا۔


گلوکار علی ظفر نے کہا عمر شریف کے انتقال پرافسوس ہوا۔عمر شریف بہترینشخصیت اورسب کوہنسانے والے انسان تھے ،وہ جہاں بھی جاتے خوشگوار ماحول بن جاتا-


اداکار عدنان صدیقی نے بھی عمر شریف کی وفات پر افسوس کا اظہار کیا-


اداکار اعجاز اسلم نے بھی ٹوئٹر پر اپنے ٹوئٹ میں عظیم اداکار کی موت پر شدید دُکھ کا اظہار کیا-

آج بہت ہی دکھ کا دن ہے، کپل شرما اور دلیر مہدی کا عمر شریف کے انتقال پر افسوس کا اظہار

خیال رہے کہ لیجنڈ اداکار،کامیڈی اور اسٹیج کے بے تاج بادشاہ عمر شریف جرمنی کے اسپتال میں انتقال کر گئے ہیں عمر شریف کو علاج کے لیے 28 ستمبر کو کراچی سے ایئر ایمبولینس کے ذریعے امریکہ روانہ کیا گیا تھا۔ ایئر ایمبولینس نے شیڈول کے مطابق جرمنی میں مختصر قیام کرنا تھا اور ری فیولنگ کرانا تھی۔

میڈیا رپورٹس کے مطابق طویل فضائی سفر کی وجہ سے عمر شریف نہ صرف تھکاوٹ محسوس کر رہے تھے بلکہ انہیں ہلکا بخار بھی ہو گیا تھا عمر شریف کو بخار اور تھکاوٹ کے باعث جرمنی کے اسپتال میں داخل کرایا گیا تھا۔

اسٹیج کے بے تاج بادشاہ کامیڈی کنگ عمر شریف انتقال کرگئے

ٹیگز:
زمرہ جات:
پاکستانتازہ ترینشوبز
Shares:

مزید خبریں