وفاقی دارالحکومت اسلام آباد میں بلدیاتی انتخابات:الیکشن کمیشن اورسیکرٹری داخلہ کے درمیان اہم گفتگو

اسلام آباد :وفاقی دارالحکومت اسلام آباد میں بلدیاتی انتخابات:الیکشن کمیشن اورسیکرٹری داخلہ کے درمیان اہم گفتگو ،اطلاعات کے مطابق آج الیکشن کمیشن میں وفاقی دارلحکومت اسلام آباد میں بلدیاتی انتخابات کے انعقاد سے متعلق کیس کی سماعت ہوئی

اس موقع پر ڈی جی لا الیکشن کمیشن نے کہا کہ وفاقی حکومت کو پابند بنایا جائے کہ اسلام آباد میں بلدیاتی انتخابات کے لیے جلد از جلد انتظامات کیے جائیں،

الیکشن کمیشن کے سوال کے جواب میں سیکرٹری داخلہ نے کہا کہ وفاقی حکومت اسلام آباد کے بلدیاتی اداروں کو مزید اختیارات دینے کے لیے نیا قانون بنا رہی ہے،

جس پر ممبر بلوچستان الیکشن کمیشن اس میں کتنا مزید وقت لگے گا،سیکرٹری داخلہ نے کہا کہ سیکرٹری وزارت قانون سے رابطہ میں ہوں، 6 ماہ تک بلدیاتی انتخابات ہوجائیں گے،

ممبر سندھ الیکشن کمیشن نے اس پر پوچھا کہ پہلے آپ نے ایک ماہ کہا تھا اور آج 6 ماہ کی بات کررہے ہیں،جس پر سیکرٹری داخلہ نے کہا کہ قانون سازی میں وقت لگتا ہے، وفاقی کابینہ نے نئے قانون کی منظوری دے دی ہے،

جس پر ممبر بلوچستان الیکشن کمیشن نے کہا کہ آپ الیکشن کمیشن کو ٹائم لائن دے دیں، جس پر سیکرٹری داخلہ نے کہا کہ جان بوجھ کر تاخیر نہیں کررہے، آپ جو بھی ہدایات دینگے وفاقی حکومت تک پہنچا دونگا،

الیکشن کمیشن ممبر سندھ نے کہا کہ الیکشن کمیشن اسلام آباد بلدیاتی انتخابات سے متعلق جلد فیصلہ جاری کریگا، جس پرڈجی لا نے کہا کہ اسلام آباد کے نئے بلدیاتی قانون میں لکھا ہے کہ بل کی منظوری کے بعد مزید 6 ماہ درکار ہونگے،

ممبر بلوچستان نے کہا کہ آپ 6 ماہ قانون سازی کے لیے مانگ رہے ہیں اور 6 ماہ آپکو بعد میں بھی درکار ہونگے،

اس ساری گفتگو کے بعد الیکشن کمیشن نے وفاقی دارلحکومت اسلام آباد میں بلدیاتی انتخابات کے انعقاد سے متعلق کیس پر فیصلہ محفوظ کرلیا