عمرشریف کی میت سرد خانے سے رہائش گاہ منتقل

کراچی: عمر شریف کا جسد خاکی سرد خانے سے گھر منتقل کر دیا گیا-

باغی ٹی وی : تفصیلات کے مطابق قومی پرچم میں لپٹا عمر شریف کا جسدِ خاکی کلمہ شہادت کے ورد کے ساتھ ان کے گھر لے جایا گیا عمر شریف کے جسدِ خاکی کے ہمراہ ان کے صاحبزادے موجود ہیں رہائش گاہ پر عمر شریف کا آخری دیدار کیا جائے گا عمر شریف کی رہائش گاہ پر عزیز و اقارب، شوبز شخصیات، اہلِ محلہ سمیت مداحوں کی آمد کا سلسلہ جاری ہے۔

واضح رہے کہ عمر شریف کا جسد خاکی آج صبح 5 بج کر 35 منٹ پرترکش کراچی پہنچا عمر شریف مرحوم کی میت کو ترکش ایئرلائن کی پرواز TK708 سے لایا گیا ہے عمر شریف کی فیملی میت وصول کرنے ایئرپورٹ پہنچی ترکش ایئرلائن کی پرواز TK708 نےاپنے مقررہ وقت سے دس منٹ پہلے کراچی ایئر پورٹ پر لینڈ کیا۔ پرواز کا کراچی ایئر پورٹ پر لینڈنگ کا مقررہ وقت صبح 45-05 تھا جب کہ پرواز نے صبح 35-05 پر کراچی جناح انٹر نیشنل ایئر پورٹ پر لینڈ کیا۔

کراچی پہنچنے کے بعد عمر شریف کی میت کو ضابطے کی کارروائی کے لیے انٹر نیشنل کارگو ٹرمینل منتقل کردیا گیا سی اے اے اور گراؤنڈ ہینڈلنگ کی کارروائی مکمل ہونے کے بعد جسد خاکی ورثا کے حوالے کردیا گیا-

میت کو کراچی ائیرپورٹ سے ایدھی سرد خانہ سہراب گوٹھ منتقل کردیا گیا اس دوران میت کو قافلے کی صورت میں ایئرپورٹ سے ایدھی سرد خانے لایا گیا اس موقع پر مداحوں کی بڑی تعداد سبز ہلالی پرچم میں لپٹے عمر شریف کی میت پر پھولوں کی پتیاں نچھاور کرتی رہی۔

عمر شریف کی اہلیہ زرین غزل اور جرمنی سے قونصل جنرل امجد علی جسد خاکی کے ہمراہ کراچی پہنچے ہیں۔کارگو ٹرمینل پر سی اے اے کسٹمز اور ایئر لائن افسران بھی موجود رہے۔

وزیر اطلاعات و محنت سندھ @SaeedGhani1 سعید غنی نے کراچی ائیر پورٹ کارگو ٹرمینل سے لیجنڈ اداکار عمر شریف کی میت ان کے صاحبزادوں کے ہمراہ وصول کررہے ہیں pic.twitter.com/y10WcrmirF

— Minister Labour & Human Resources Sindh (@MinisterSindh) October 6, 2021

صوبائی وزیر سعید غنی بھی کارگو ٹرمینل پہنچے اور انہوں نےعمرشریف کےاہلخانہ سےاظہارتعزیت کیا سعیدغنی نے کہا عمرشریف نے ملک کانام دنیا بھرمیں روشن کی مداح عمرشریف کوخراج عقیدت پیش کرنے کے لیے نمازجنازہ میں شرکت کریں آج عمر شریف کو ہم خراج عقیدت پیش کریں گے۔

انہوں نے بتایا کہ عمر شریف کی نمازجنازہ سہ پہر 3 بجے عمرشریف پارک کلفٹن میں اداکی جائے گی۔ مرحوم کو حضرت عبداللہ شاہ غازی رحمۃ اللہ تعالیٰ علیہ کے مزار سے متصل قبرستان میں سپردِ خاک کیا جائے گا۔