ڈرامہ سیریل پری زاد نے مقبولیت کے ریکارڈ توڑ دیئے-
باغی ٹی وی : نجی ٹی وی چینل نشر کیے جانے والا ڈرامہ ‘پری زاد’ کی اپنی کاسٹ اور مضبوط کہانی کی وجہ سے اس وقت دھوم ہے شائقین کی جانب سے اس ڈرامے کو بے حد سراہا جا رہا ہے جا کا اندازہ اس بات سے لگایا جا رہا ہے کہ یو ٹیوب پر اس ڈرامے کی 12ویں قسط کو ایک ہی دن میں 50 لاکھ سے زائد مرتبہ دیکھا گیا ہے-
ڈرامہ سیریل پری زاد ہاشم ندیم کے ناول پر مبنی ہے اور اس ڈرامے کا مرکزی کردار، پری زاد اداکار احمد علی اکبر نبھا رہے ہیں اس کردار پر مداحوں کی طرف سے ان کو خاصی پذیرائی مل رہی ہے لوگوں کا کہنا ہے کہ جس باریکی، مہارت اور خوبصورتی سے احمد علی اس کردار کو نبھا رہے ہیں وہ منفرد اور اپنی مثال آپ ہے۔
ڈرامے میں ہمارے معاشرے کے ان پہلوؤں اور افراد کی ذات کی عکاسی کی گئی ہے جنھیں ہمارے ارد گرد کے لوگ آسانی سے قبول نہیں کرتے۔
پری زاد ایک ایسے نوجوان کی کہانی ہے جسے رنگ کالا ہونے کی وجہ سے یہ معاشرہ قبول نہیں کرتا اسے زندگی کے ہر قدم پر دھتکارا جا رہا ہے پری زاد کے کردار کے علاوہ احمد علی کی اداکاری کو بھی لوگوں کی طرف سے بے حد پسند کیا جا رہا ہے۔
ڈرامے کی دیگر کاسٹ میں نعمان اعجاز، عروا، صبور علی اور یمنٰی زیدی شامل ہیں-
Leave a reply
