بھارت اور چین کے درمیان سرحد پر کشیدگی ایک بار پھر بڑھ گئی، ٹکراو کا خطرہ

نئی دہلی :بھارت اور چین کے درمیان سرحد پر کشیدگی ایک بار پھر بڑھ گئی، ٹکراو کا خطرہ ،اطلاعات کے مطابق چین اور بھارت کے درمیان لداخ میں سرحدی تنازع پر 17ماہ سے کشیدگی چل رہی ہے جہاں ڈنڈوں اور پتھروں سے ہونے والی جھڑپوں میں چند ماہ قبل 20 سے زائد بھارتی فوجی بھی ہلاک ہو گئے تھے۔

ادھر اس حوالے سے اس تنازع کو حل کرنے اور کشیدگی ختم کرنے کے لیے چین اور بھارت کے عسکری حکام کے مابین مذاکرات جاری تھے جو ناکام ہو گئے ہیں اوردونوں ملکوں کے درمیان سرحدی کشیدگی میں ایک بار پھر اضافہ ہو گیا ہے۔

ذرائع کے مطابق مذاکرات ناکام ہونے کے بعد دونوں فوجیں بدستور دوبدو رہیں گی اور انہیں موسم سرما بھی اسی حالت میں گزارنا ہو گا۔ بھارتی وزیردفاع نے اس حوالے سے ایک بیان میں کہا ہے کہ ”ہم نے چینی فوجی حکام کو مثبت تجاویز پیش کی تھیں لیکن وہ ان پر آمادہ نہیں ہوئے، جبکہ ان کی طرف سے کوئی تجاویز پیش نہیں کی گئیں۔“

دوسری طرف چینی فوج کے ترجمان کی طرف سے بتایا گیا ہے کہ ”بھارتی حکام کے مطالبات غیرحقیقی اور منطق کے منافی تھے جس کی وجہ سے مذاکرات میں مشکلات پیدا ہوئیں۔“ادھر چینی حکام نے بھارت کے پراپیگنڈہ کو مسترد کرتے ہوئے کہا ہے کہ بھارت جان بوجھ کرحالات خراب کررہا ہے