افسوسناک خبر: زوردار دھماکے سے قیمتی جانیں ضائع

قاہرہ (اے پی پی) مصر میں کار بم دھماکے سے 19افراد ہلاک جبکہ 32 افراد زخمی ہوگئے.

تفصیلات کے مطابق مصر کے دارالحکومت میں کار بم دھماکہ کے نتیجے میں19 افراد ہلاک اور 32 زخمی ہوگئے۔ مصری وزارت داخلہ کے مطابق کینسر انسٹیٹوٹ کے باہر دھما کہ خیز مواد سے بھری ایک تیز رفتار کار دیگر تین کاروں سے ٹکراگئی جس سے زور دار دھماکہ ہوا اور 19افراد ہلاک اور 32شدید زخمی ہوگئے جبکہ ر متعدد گاڑیاں جل کر خاکستر ہوگئیں۔ فائر بریگیڈ کی گاڑیوں نے فور ی کارروائی کرتے ہوئے بڑے پیمانے پر لگی آگ پر قابو پا لیا ہے۔ مصری پبلک پراسیکیوٹرکی تفتیشی ٹیم نے واقعہ پر پہنچ پر تحقیقات شروع کر دیں ہیں۔ وکلاءکی تفتیشی ٹیم، کریمنل لیبارٹری اور بم ناکارہ بنانے والے ماہرین بھی موقع پر پہنچتے ہوئے تفتیشی کارروائیاں شروع کر دی ہیں۔