میری قوم کو بچالیں:پیمرا نے وزیراعظم کے حکم پرغیراخلاقی مواد،مناظردکھانے پرپابندی لگا دی

اسلام آباد:میری قوم کو بچالیں:پیمرا نے وزیراعظم کے حکم پرغیراخلاقی مواد،مناظردکھانے پرپابندی لگا دی،اطلاعات کے مطابق وزیراعظم عمران خان کے حکم پرپیمرا نے ایسا حکم جاری کردیاہے کہ جس کے منظرعام پرآنے کے بعد عوام الناس بہت خوش دکھائی دیتے ہیں

یہ بھی معلوم ہوا ہے کہ اس سلسلے میں وزیراعظم پورٹل پرشکایت کی گئی تھی جس کے بعد وزیراعظم نے پیمرا کو حکم دیا

اس حوالے سے مزید معلوم ہوا ہے کہ پاکستان الیکٹرانک میڈیا ریگولیٹری اتھارٹی (پیمرا ) نے پاکستان سٹیزن پورٹل ، پیمرا کمپلینٹ کال سینٹر اور فیڈ بیک سسٹم پرموصول ہونیوالی شکایات ، سوشل میڈیا اور واٹس ایپ گروپس پر پاکستانی ڈراموں پرہونیوالی تنقید کے بعد کہا ہے کہ گلے لگانا ،ماورائے ازدواجی تعلقات ،فحش مناظر ،فحاشی ،بولڈ ڈریسنگ ،اخلاق باختہ مناظر اور شادی شدہ جوڑوں کی مباشرت جیسے مناظر پاکستانی معاشرے کی ثقافت اور اسلامی تعلیمات کی صریحاخلاف ورزی ہے ،

تمام سیٹلائٹ ٹی وی چینلز کو ہدایت کی جاتی ہے کہ اس طرح کے مناظر دکھانے سے گریز کریں ،تمام سیٹلائٹ ٹی وی لائسنس ہولڈر ز کو ہدایت کی جاتی ہے کہ وہ پیمرا قوانین پر اس کی روح کے مطابق عمل درآمد یقینی بنائیں