اسرائیلی فوج کا وحشیانہ کریک ڈاﺅن، 23 فلسطینی گرفتار

اسرائیلی فوج نے فلسطین میں گھر گھر تلاشی کی کارروائیوں کے دوران 23 فلسطینیوں کو گرفتار کر لیا ہے۔

اسرائیلی فوج کی طرف سے جاری ایک بیان میں کہا گیا ہے کہ غرب اردن اور القدس میں گھر گھر تلاشی کی کارروائیوں میں 18 فلسطینیوں کو گرفتار کیا گیا۔ غرب اردن کے شمالی شہر نابلس میں عصیرہ کے مقام پر چھاپے کے دوران 11 فلسطینیوں کو گرفتار کیا گیا۔

ادھر غرب اردن کے شمالی شہر طولکرم میں بلعا کے مقام سے رسمی البلیک کو حراست میں لیا۔

شمالی شہر جنین میں تلاشی کے دوران صحافی محمد عتیق، برقین سے مہدی جمیل عاصی اور محمد فاروق عابد کی گرفتاری عمل میں لائی گئی۔
ادھر غرب اردن کے جنوبی شہر الخلیل میں الفوار کیمپ سے تین افراد، جبکہ بیت المقدس میں العیزریہ کے مقام پر تلاشی کے دوران چار فلسطینیوں کو گرفتار کیا گیا۔