ڈائریکٹرجنرل انٹر سروسز انٹیلی جنس کی سربراہ پاک فضائیہ سے ملاقات

راولپنڈی:ڈائریکٹرجنرل انٹر سروسز انٹیلی جنس کی سربراہ پاک فضائیہ سے ملاقات،اطلاعات کے مطابق انٹر سروسز انٹلیجنس کے ڈائریکٹرجنرل، لیفٹیننٹ جنرل فیض حمید نے آج سربراہ پاک فضائیہ، ائیر چیف مارشل ظہیر احمد بابر سدھو سے ائیر ہیڈ کوارٹرز میں ملاقات کی۔

ذرائع کے مطابق اس اہم ملاقات میں قومی سلامتی، مسلح افواج اور انٹیلیجنس اداروں کے مابین باہمی ہم آہنگی کو مزید بڑھانے سے متعلق مختلف امور پر تبادلہ خیال کیا گیا۔

ڈائریکٹر جنرل آئی ایس آئی نے پاک فضائیہ کی آپریشنل تیاریوں اور پاکستان کی فضائی سرحدوں کی حفاظت پر مامور پاک فضائیہ کے افراد کی پیشہ ورانہ مہارت کو سراہا۔ ایئر چیف نے قومی سلامتی کے لیے انٹر سروسز انٹلیجنس کی مستعد کوششوں کی تعریف کی۔

ایئر چیف مارشل ظہیر احمد بابر نے کہا کہ ملک وقوم کےلیے انٹر سروسز انٹلیجنس کی مستعد کوششیں قابلِ تحسین ہیں۔