![](https://baaghitv.com/wp-content/uploads/2021/11/FDsBxcVXMAcqwFy.jpg)
کابل :افغانستان کی منڈیوں پرچین کی دسترس:26 ٹن افغانی چلغوزہ چین میں آنکھ جھپکتے ہی غائب،اطلاعات کے مطابق افغانستان سے چین برآمد ہونے والے 26 ٹن چلغوزے چند منٹوں میں آن لائن فروخت ہوگئے۔
ذرائع کے مطابق اس سلسلے میں افغانستان اور چین کے درمیان چلغوزوں کی تجارت جاری ہے اور کئی فلائٹس سیکڑوں ٹن چلغوزہ چینی مارکیٹوں تک پہنچا چکی ہیں۔
چینی مارکیٹ میں افغانستان سے برآمد شدہ چلغوزوں کی طلب بڑھتی ہی جارہی ہے اور 26 ٹن چلغوزے چند منٹوں میں ہی آن لائن فروخت ہوئے ہیں۔
Till today 10 flights of Afg pinenuts flew to China. Remember 26 tons were sold in China on line in just few minutes. Flights will be continue flying. Dry fruits next priority.China will unswervingly expand opening-up,and share its development opportunities with Afg & wider world pic.twitter.com/uqE1XnBklM
— Wang Yu 王愚 (@ChinaEmbKabul) November 20, 2021
حال ہی میں افغانستان میں چینی سفیر وانگ یو نے ٹوئٹ میں بتایا کہ افغانستان سے اب تک چلغوزوں کی 10 فلائٹس پہنچ چکی ہیں۔انہوں نے بتایا کہ 26 ٹن چلغوزہ چند منٹوں میں ہی آن لائن فروخت ہوگیا تھا۔ان کا مزید کہنا تھاکہ چلغوزوں کے بعد اب افغانستان سے ڈرائی فروٹ (خشک میوہ جات) کی بھی تجارت ترجیح ہے۔
خیال رہے کہ گزشتہ دنوں قطر کے دارالحکومت دوحہ میں افغان اور چینی وزرائے خارجہ نے ملاقات کی تھی جس میں افغان وزیر خارجہ نے چینی ہم منصب کو چلغوزوں کا تحفہ پیش کیا تھا۔اس ملاقات کے بعد چین اور افغانستان کے درمیان تجارت بھی شروع ہوگئی تھی۔