ممبئی (اے پی پی) گنگولی کے زیادہ ون ڈے انٹرنیشنل رنز کا ریکارڈ توڑنے کے لیے ویرات کوہلی کو صرف 78 رنز درکار ہیں.
تفصیلات کے مطابق سابق بھارتی بلے باز سارو گنگولی کے ون ڈے انٹرنیشنل کرکٹ میں زیادہ رنز کا ریکارڈ ویرات کوہلی کے نشانے پر آ گیا، بھارتی کپتان ویرات کوہلی کو گنگولی کا ریکارڈ توڑنے کیلئے مزید 78 رنز درکار ہیں اور اس بات کے قوی امکانات ہیں کہ وہ جمعرات سے ویسٹ انڈیز کے خلاف شروع ہونے والے ون ڈے انٹرنیشنل سیریز میں گنگولی کو زیادہ رنزوں کی فہرست میں پیچھے چھوڑ دیں گے اگر کوہلی کامیاب ہو گئے تو وہ زیادہ رنز بنانے والے بلے بازوں کی فہرست میں آٹھویں نمبر پر آ جائیں گے۔
یاد رہے کہ گنگولی نے 11363 اور کوہلی نے 11286 رنز بنا رکھے ہیں۔ ایک روزہ کرکٹ کی تاریخ میں زیادہ رنز بنانے کا عالمی اعزاز سابق بھارتی بلے باز سچن ٹنڈولکر کو حاصل ہے جنہوں نے 18426 رنز بنا رکھے ہیں۔
