کبریٰ خان نے کینسر سے جنگ کیسے جیتی؟

معروف پاکستانی اداکارہ کبریٰ خان کا کہنا ہے کہ گزشتہ دو سال میرے لیے خوفناک تھے-

باغی ٹی وی : کبریٰ خان نے حال ہی میں ایک ویب شو کو انٹرویو دیا جس میں انہوں نے اپنی صحت سے متعلق کئی انکشافات کئے ہیں اور خود پر چڑھنے والے موٹاپے، اُس کے اسباب اور ہونے والی تنقید پر بھی گفتگو کی-

اداکارہ نے بتایا کہ گزشتہ دو سال میرے لیے خوفناک تھے، ایک توکورونا وائرس تھا پھر کچھ دیگر چیزیں میری زندگی میں چل رہی تھیں، اسی دوران میں رواں برس ماہِ جنوری میں اپنی فیملی کے پاس لندن چلی گئی، ان دنوں میرے وزن میں غیر معمولی اضافہ ہو رہا تھا جس پر میں اپنا چیک اپ کروانے ڈاکٹر کے پاس گئی۔

ہمایوں سعید کو بھی دبئی کا گولڈن ویزہ مل گیا

دوران انٹرویو کبریٰ خان نے انکشاف کیا کہ چیک اپ کے بعد ڈاکٹر نے میرے جسم میں گِلٹی دریافت کی جس کے بعد انہوں نے خدشہ ظاہر کیا کہ ممکنہ طور پر یہ کینسر ہے، مجھے اس چیز کی بالکل توقع نہیں تھی۔

کبریٰ خان نے مزید بتایا کہ میرے کینسر کی تشخیص پہلے مرحلے ہی میں ہو گئی تھی،اس وقت میں نے سوچا کہ الحمد اللہ ، اللّٰہ کا یہ بھی کرم تھا کہ مجھے پہلے ہی اسٹیج پر معلوم ہو گیا تھا اُن میں جو ٹیومر موجود ہے وہ ابھی پہلے اسٹیج پر ہے۔

فواد خان اور صنم سعید بھارتی ویب سیریز میں ایک ساتھ نظر آئیں گے

ڈاکٹرز نے اس وقت کہا کہ میرا فوری طور پر آپریشن کرنا ہوگا تاکہ گلٹی نکال کر دیکھا جاسکے کہ اگر یہ کینسر ہے تو آپ کون سے اسٹیج پر ہیں میرے دو آپریشنز کیے گئے جس کے بعد ڈاکٹروں نے بتایا کہ یہ کینسر نہیں تھا لیکن علاج میں تھوڑی سی مزید دیر ہوتی تو یہ کینسر کی بدترین قسم میں تبدیل ہو سکتا تھا۔

اُن کا کہنا تھا کہ جب میں اس سارے مرحلے سے گزر کر پاکستان واپس آئی تو مجھے موٹا ہو جانے پر بے حد تنقید کا سامنا کرنا پڑا، لوگوں کا عجیب رویہ اختیار کرتے ہوئے کہنا تھا کہ تمہاری تو گردن ہی نہیں ہے، اور میں کسی کو بتا بھی نہیں سکتی تھیں کہ میں لندن سے کونسی جنگ لڑ کر آ رہی ہیں۔‘

اداکار شان کا وزیراعظم سے پاکستان میں بھارتی فلمیں ریلیز نہ کرنے کا مطالبہ

کبریٰ خان کا کہنا تھا کہ میں ہمیشہ بہت پتلی دبلی رہی ہوں، میرا وزن کبھی 48 کلو سے اوپر نہیں گیا مگر جب مجھے صحت سے متعلق کئی مشکلیں جھیلنا پڑیں تو میں موٹی ہو گئی تھی ٹیومر کے آپریشن کے بعد نہ واک کر سکتی تھی اور نہ ہی ڈائٹ کیوں کہ مجھے بہت ادویات لینی پڑتی تھیں مگر لوگوں کی نفرت زدہ باتیں سُن سُن کر اور بہت مشکلیں جھیل کر آخر کار میں نے اپنا وزن پھر سے کم کر ہی لیا۔

ماڈل مشک کلیم شادی کے بندھن میں بندھ گئیں