بھارت کے یوم آزادی پر پاکستان بھر میں یوم سیاہ منایا جائیگا، راجہ عبدالوہاب

سرگودھا۔08اگست(خبر رساں ایجنسی) 15 اگست کو پورے ملک میں بھارت کے یوم آزادی کے موقع پر یوم سیاہ منایا جائے گا، جس میں بلا تفریق تمام سیاسی مذہبی فلاحی تنظیمیں حصہ لیں گی۔ ان خیالات کا اظہار پاکستان تحریک انصاف سپورٹس اینڈ کلچر فیڈریشن ضلع سرگودھا کے صدر راجہ عبدالوہاب نے صحافیوں سے بات چیت کرتے ہوئے کیا۔ انہوں نے کہا کہ اس وقت دنیا بھر میں بھارت کا دہشتگرد چہرہ دکھانے کے لئے پوری قوم نے جس طرح متحد ہوکر ثابت کیا ہے کہ جب بھی ملک پر کوئی برا وقت آیا پوری قوم سیسہ پلائی دیوار بن جائے گی۔ راجہ عبدالوہاب نے کہا کہ عمران خان نے واضح کردیا ہے کہ اگر بھارت نے جارحیت کی تو پوری قوم پاک فوج کے شانہ بشانہ کھڑی ہوکر اُسے منہ توڑ جواب دے گی۔