![](https://baaghitv.com/wp-content/uploads/2021/11/2246038-naslatower-1636633919-628-640x480-1.jpg)
کراچی: اینٹی کرپشن پولیس کی ڈسٹرکٹ ایسٹ کے علاقے میں کارروائی، اختیارات کے ناجائز استعمال کے الزام میں ڈائریکٹر جنرل آصف میمن، ایڈیشنل ڈائریکٹر شیخ فرید اور اسسٹنٹ ڈائریکٹر عاطف احمد خان کو گرفتار کر لیا جبکہ ملزمان کے خلاف مقدمہ بھی تھانہ اینٹی کرپشن میں پہلے سے درج کرلیا گیا تھا۔
باغی ٹی وی :حکام کے مطابق بدھ کی شب اینٹی کرپشن پولیس ایسٹ زون نے ڈی جی کے ڈی اے آصف میمن کےکیمپ آفس پر چھاپہ ماراجہاں اسسٹنٹ ڈائریکٹر عاطف احمد خان کو گرفتار کرلیا اینٹی کرپشن پولیس نے ڈی جی کے ڈی اے آصف میمن کو بھی تفتیش کے لیے حراست میں لیا-
حرمین قتل کیس، ملزمان نے پولیس کو اعترافی بیان دے دیا
ملزمان کے خلاف درج کی جانے والی ایف آئی آر کے متن کے مطابق اب تک ہونے والی انکوائری میں یہ بات سامنے آئی ہے کہ کے ڈی اے کے ڈائریکٹر جنرل حکومت کے احکامات کی تعمیل نہیں کر رہے اور اپنے اختیارات کا غلط استعمال کرتے ہوئے ماتحت افسروں کو غیر قانونی طور پر سرکاری احکامات جاری کرنے کا حکم دے رہے تھے ایک اور اسسٹنٹ ڈائریکٹر زبیر بھی مقدمے میں نامزد ہے تاہم وہ فرار ہوگئے۔
گوادر میں بنیادی سہولیات کی جلد فراہمی:ڈی سی گوادر نے اہم فیصلے کرلیے
حکام کے مطابق زیر حراست تینوں افسران اعتراف کرچکے ہیں کہ انہیں لوکل گورنمنٹ اینڈ ہاؤسنگ ٹاؤن پلاننگ ڈیپارٹمنٹ رپورٹ کرنے کا حکم مل چکا ہے ملزمان معطل تھے لیکن اس کے باوجود گلستان جوہر بلاک 2، 16 اور کورنگی میں زمینوں کے غیر قانونی الاٹمنٹ میں ملوث ہونے کے علاوہ وہ آصف علی میمن کے غیر قانونی احکامات پر عملدرآمد کر رہے تھےجو قوائد کی خلاف وزری اور غیر قانونی ہے-
خواجہ سراؤں پر تشدد کی رپورٹنگ کیلئے موبائل ایپ تیار
اس سے قبل نسلہ ٹاور کی تعمیر کے اہم کردار افسران کے خلاف فیروز آباد تھانے میں مقدمہ کے اندراج کے بعد ذمہ داروں کا تعین کرنے کیلئے پولیس کی اعلٰی سطحی پانچ رکنی ٹیم تشکیل دی گئی تھی۔
واضح رہے کہ نسلہ ٹاور کی غیر قانونی تعمیر کے کیس میں پولیس نے سندھ بلڈنگ کنٹرول اتھارٹی (ایس بی سی اے) کے ملوث افسران کی فہرست حاصل کرلی تھی، ساتھ ہی شارع فیصل پر نسلہ ٹاور کی تعمیر کی اجازت دینے کے اہم اجلاس کا لیٹر بھی پولیس نے حاصل کرلیا تھا سپریم کورٹ نے نسلہ ٹاور کیس میں محکمہ اینٹی کرپشن کو ذمہ داروں کے خلاف کارروائی کا حکم دے رکھا ہے۔