سرگودھا ( ادریس نواز چدھڑ سے ) انٹرنیشنل منڈیوں میں ٹریڈ کے رجحان کو دیکھتے ہوئے 4 ارب روپے کی لاگت سے سرگودھا میں 11 ایکڑ رقبے پر انٹرنیشنل ڈرائی پورٹ کی تعمیر کا کام تیزی سے جاری، منصوبہ سے 12لاکھ خاندان مستفید ہونگے ڈرائی پورٹ سے کنو‘ چاول‘ جپسم‘ ہینڈی کرافٹ‘ بیکو لائٹ سمیت دیگر اشیاء کے 45 ہزار کینٹنر کی سالانہ ہینڈلنک ہو گئی
وفاقی حکومت کی اجازات کے بعد سرگودھا انٹرنیشنل ڈرائی پورٹ کے منصوبے پر 23 چک بھلوال کے قریب 11 ایکڑ رقبے پر ڈرائی پورٹ کی تعمیر کا کام تیزی سے جاری اس سے قبل کئی بار ڈرائی پورٹ کے منصوبے کو شروع کرنے کی کوشش کی گئی لیکن اس پر عملدرآمد نہ ہوسکا
وفاقی سیکرٹری چیئرمین ریلوے حبیب الرحمن گیلانی نے سرگردھا انٹرنیشنل کنٹینرز ٹرمینل کو ملکی معیشت کے استحکام کے لئے گیم چینجر قرار دیتے ہوئے اجنالہ ریلوے اسٹیشن کے قریب ریلوے کارگو ٹرمینل بنانے اور جدید سہولتوں سے آراستہ نئی ٹرینیں چلانے کا اعلان کر دیا منعقدہ تقریب سے خطاب کرتے ہوئے انہوں نے کہا کہ ڈرائی پورٹ کے قیام سے انٹرنیشنل منڈیوں میں سرگودھا سے جپسم، چاول، چینی، فرنیچر، بیکو لائیٹ اور دیگر اشیاء کو ایکسپورٹ کرنے میں آسانی ہو گئی جو بزریعہ ریلوے ایران،ترقی ،اور افغانستان کے راستے آذربائجان، بخارا اور دیگر ممالک تک پہنچایا جائے گا تقریب سے ڈائریکٹرز سرگودھا ڈرائی پورٹ یاسر لقمان، ملک فخر عباس،ڈاکٹر عتیقہ ریحان وینس اور دیگرز نے خطاب کیا انہوں نے کہا کہ اس منصوبے سے 12 لاکھ خاندان مستفید ہونگے جنہیں روزگار کے مواقع ملیں گیے یہ منصوبہ 9اضلاع کے صنعتکاروں‘کاشتکاروں کیلئے کسی نعمت سے کم نہیں ہو گا ہماری کوشش ہے کہ یہ ڈرائی پورٹ کنو کے رواں سیزن میں ہی شروع ہو جائے کیونکہ اس ڈرائی پورٹ سے کنو‘ چاول‘ جپسم‘ ہینڈی کرافٹ‘ بیکو لائٹ سمیت دیگر اشیاء کے ہزاروں کینٹنرز کی ایکسپورٹ ہو سکیں گئ جس سے یہاں نئی فیکٹریاں اور ملیں لگیں گئی اور ملک کو اربوں روپے کا زرمبادلہ حاصل ہو گا