عید سے پہلے تبدیلی آگئی ،اساتذہ کیلئے بری خبر

لاہور:عید سے پہلے علم کے متوالوں کے لیے بری خبر ، پنجاب ہائیر ایجوکیشن کمیشن نے فارن پی ایچ ڈی پروگرام بند کر دیا، پنجاب حکومت کی جانب سے فنڈز میں کٹوتی کے باعث کمیشن نے پی ایچ ڈی پروگرام ہی بند کر دیا۔

ذرائع نے بتایا ہے کہ حکومت کی جانب سے فنڈز میں کٹوتی کے باعث فارن پی ایچ ڈی پروگرام بند کر دیا گیا ہے۔ مسلم لیگ ن کی حکومت نے پی ایچ ای سی کے ذریعے سے فارن پی ایچ ڈی پروگرام کا اجراء 2015ء میں کیا تھا۔ ذرائع نے بتایا ہے کہ پی ایچ ای سی کے پاس گرانٹ نہ ہونے کی بناء پر پروگرام کو بند کیا گیا ہے۔

یاد رہے کہ اس سے قبل فارن پی ایچ ڈی پروگرام کے تحت یونیورسٹیز کے اساتذہ کو عالمی جامعات سے پی ایچ ڈی کرائی جاتی تھی۔ مذکورہ پی ایچ ڈی پروگرام کے تمام اخراجات پنجاب ہائیر ایجوکیشن کمیشن برداشت کرتا تھا۔