راولپنڈی :شہری کو تاوان کی خاطر اغواء کرنے میں ملوث ارشد لنگڑا دو ساتھیوں سمیت گرفتار،اطلاعات کے مطابق راولپنڈی ریس کورس پولیس نےاہم کاروائی
کرتے ہوئے شہری کو تاوان کی خاطر اغواء کرنے میں ملوث ارشد لنگڑا دو ساتھیوں سمیت گرفتار،
پولیس کا کہنا ہےکہ مغوی بحفاظت بازیاب کرالئے گئے اور اب ان کی سیکورٹی سخت کردی گئی ہے گرفتار ملزمان میں ارشد عرف لنگڑا کے علاوہ حسنین اور آصف شامل ہیں،
ارشد لنگڑا راولپنڈی کے علاوہ اٹک، اسلام آباد میں دہشت گردی، قتل، اقدام قتل، ڈکیتی،رابری، زیادتی، ناجائز اسلحہ ، منشیات جیسے درجنوں مقدمات میں ریکارڈ یافتہ ہے،
مدعی مقدمہ کا کہنا تھا کہ میرے بھائی اکبر علی کو ارشد عرف لنگڑا اور اس کے ساتھیوں نےگھر کام کے لیے بلایا، تشدد کیا اور ویڈیوز بنا کر بلیک میل کر کے لاکھوں روپے لینے کے بعد تاوان کے لئے اغواء کیا،
ایس پی پوٹھوہار کا کہنا تھا کہ ملزمان کو ٹھوس شواہد کے ساتھ چالان کیا جا کر قرار واقعی سزاء دلوائی جائیگی، ایس پی پوٹھوہار نے ایس ڈی پی او کینٹ، ایس ایچ او ریس کورس اور ٹیم کو شاباش دی
ایس پی رانا عبدالوہاب شہریوں کی جان و مال کی حفاظت اولین فرض ہے،اس موقع پر سی پی او ساجد کیانی نے کہاکہ سنگین جرائم میں ملوث ملزمان سے آہنی ہاتھوں سے نمٹا جاۓ گا۔