غلافہ کعبہ تبدیل ، روح پرور تقریب سے مسلمانوں کے ایمان تازہ ہوگئے

ریاض:مسلمانوں کے مرکز ومحور مکہ مکرمہ میں غلاف کعبہ تبدیل کرنے کی روح پرور تقریب ہوئی، غلاف کعبہ کی تیاری میں تقریباً 670 کلو گرام ریشم استعمال کیاگیا۔اس تقریب میں‌دنیا بھر سے بڑی بڑی ممتاز مسلمان شخصیات نے بھی شرکت کی

تفصیلات کے مطابق مکہ مکرمہ میں غلاف کعبہ تبدیل کرنے کی روح پرور تقریب ہوئی،غلاف میں سونے اور چاندی کی تاریں بھی استعمال کی گئی ہیں،سعودی وزارت حج کے مطابق اس بار غلاف کعبہ کی تیاری پر تقریباً 70 لاکھ ریال لاگت آئی ہے۔

سعودی وزارت حج کے مطابق اس سال انتظامیہ نے غلاف کعبہ تبدیل کرنے کی تقریب رات کے وقت منعقد کی تاکہ صبح طواف کے لیے آنے والوں کو زحمت سے بچایا جاسکے، ہر سال 9ذی الحجہ کو غلاف کعبہ تبدیل کرنے کی پروقار تقریب ہوتی ہے۔