کوئٹہ گلیڈی ایٹرز: شاہد آفریدی آوٹ: متبادل کھلاڑی اسکواڈ میں شامل کرنےکی تیاریاں‌

خیال رہے کہ کوئٹہ گلیڈی ایٹرز کے اسٹار آل راؤنڈر شاہد آفریدی کورونا کا شکار ہونے کے بعد ان دنوں قرنطینہ میں ہیں۔

یہ بھی معلوم ہوا ہےکہ اس حوالے سے کوئٹہ گلیڈی ایٹرز کے مینجر کا کہنا ہے کہ  شاہد آفریدی کی جگہ حسان خان کو اسکواڈ میں شامل کرنے کی درخواست ٹیکنیکل کمیٹی کو بھیج دی گئی ہے۔

 اعظم خان نے بتایا کہ پریکٹس سیشن میں شرکت کے لیے حسان خان کو طلب کرنے کی درخواست کی ہے، شاہد آفریدی کا آج کوویڈ ٹیسٹ منفی آیا ہے تاہم وہ اپنی آئیسولیشن مکمل کرنے کے بعد وہ اسکواڈ کو جوائن کرلیں گے۔

دوسری جانب کوئٹہ گلیڈی ایٹرز کے مینٹور ویسٹ انڈیز کے سر ویوین رچرڈزکراچی پہنچ گئے ہیں، انہوں نے اپنے ویڈیو پیغام میں پاکستان پہنچنے پر خوشی کا اظہارکیا ہے۔

 اعظم خان کا کہنا ہےکہ گزشتہ سیزن میں سر ویوین رچرڈز کی کمی محسوس ہوئی تھی، ان کی وجہ سے ٹیم کا مورال ہائی ہوتا ہے۔

ادھر پی ایس ایل سیزن 7 کے آغاز سے قبل کراچی کنگز کے صدر  اور مینٹور وسیم اکرم کورونا کا شکار ہوگئے تھے ،لیکن اب  آئیسو لیشن مکمل کرکے کوویڈ کی منفی رپورٹ آنے پر انہوں نے اسکواڈ کو جوائن کرلیا ہے،عمان سے واپسی پر وسیم اکرم کا کوویڈ ٹیسٹ مثبت آیا تھا جس پر انہیں آئیسولیشن میں بھیج دیا گیا تھا۔