شوہر نے بیوی کو ذ بح کر کے خود کشی کر لی

کراچی : کراچی میں قتل کی لرزہ خیز واردات پیش آئی ہے، شوہر نے مبینہ طور پر بیوی کو ذبح کر کے خودکشی کر لی۔

پولیس کے مطابق دل دہلا دینے والا واقعہ منظور کالونی میں پیش آیا جہاں ایک گھر سے میاں بیوی کی لاشیں ملی ہیں۔ پولیس کے مطابق ابتدائی طور پر یہ لگتا ہے کہ شوہر سیف اللہ نے بیوی آمنہ کو تیز دھار آلے سے وار کر کے قتل کیا اور بعد میں پنکھے سے پھندا لگا کر خودکشی کر لی۔

پولیس کے مطابق کثیرالمنزلہ عمارت میں میاں بیوی کے ساتھ بچے بھی تھے لیکن کوئی بھی بچہ عینی شاہد نہیں ہے۔ 7 بہن بھائیوں میں کچھ بالائی اور کچھ نچلی منزلوں پر تھے لیکن کوئی بھی وقوعہ کے وقت والدین کے پاس نہیں تھا۔پولیس نے ابتدائی شواہد اکٹھے کرکے بچوں کے بیانات قلمبند کیے ہیں جب کہ معاملے کی تحقیقات کے لیے کرائم سین یونٹ اور فرانزک ٹیموں کو طلب کر لیا ہے۔