چیئرمین فرسٹ ڈیمو کریٹک فرنٹ کرنل (ر) جاوید مجتبیٰ کا دورہ کراچی

کراچی : فرسٹ ڈیموکریٹک فرنٹ کی ترجمان مسز نازنین انور نے اعلامیہ جاری کیا جس کے مطابق چیئر مین کرنل (ر)جاوید مجتبیٰ مورخہ 17فروری 2022سے مورخہ 22 فروری 2022تک سندھ کادورہ کریں گے،اعلامیہ کے مطابق چیئرمین مورخہ 17فروری کا کراچی ایئر پورٹ پر اتریں گے جہاں صوبائی صدر سندھ سردار بابر عباسی،کراچی ڈویزن کے صدر محمد اسحاق عباسی اور دیگر عہدیداران و کارکنان ان کا پرتپاک استقبال کریں گے جبکہ ایک جلوس کی شکل میں شکل میں صوبائی دفتر لے جایا جائیگا،چیئرمین مورخہ 18فروری 2022صبح 11.00بجے مزار قائد پر فاتحہ خوانی کریں گے،بعد ازاں وہ حیدرآباد روانہ ہوجائیں گے 1.00بجے حیدرآباد پریس کلب میں صحافیوں سے خطاب کریں گے جبکہ 4.00بجے ایک حیدرآباد میں جلسہ عام سے خطاب کریں گے،مورخہ 19فروری 2022کو کراچی پریس کلب میں پریس کانفرنس کریں گے،مورخہ 20 فروری 2022سے اجلاس میں شرکت کریں گے،مورخہ 21فروری 2022کو کورنگی کراچی میں ایک جلسہ عام سے خطاب کریں گے مورخہ 22فروری 2022کو صوبہ سندھ کے کارکنوں کے اجلاس میں شریک ہونگے جبکہ رات 9.00بجے لاہور کے لئے روانہ ہوجائیں گے۔