نئی دہلی : بھارتی کھلاڑی ویرات کوہلی ون ڈے انٹرنیشنل کرکٹ میں زیادہ رنز بنانے والے بھارت کے دوسرے اورمجموعی طو پر آٹھویں بلے باز بن گئے، اس سے پہلے بھارتی کھلاڑی سچن ٹنڈولکرکو یہ اعزاز حاصل ہے
ویسٹ انڈیز کے خلاف کھیلے گئے دوسرے ایک روزہ میچ میں ویرات کوہلی نے شاندار سنچری سکور کر کے سابق ہم وطن بلے باز سارو گنگولی کے زیادہ رنز کا ریکارڈ توڑ کر یہ اعزاز حاصل کیا، گنگولی نے 11363 رنز بنا رکھے تھے جبکہ کوہلی نے 11406 رنز بنا لئے ہیں۔
یاد رہے کہ ایک روزہ کرکٹ کی تاریخ میں زیادہ رنز بنانے کاعالمی اعزازسچن ٹنڈولکر کو حاصل ہے جنہوں نے 18426 رنز بنا رکھے ہیں۔ کوہلی کی یہ ویسٹ انڈیز کے خلاف آٹھویں اور کیریئرکی 42ویں سنچری تھی۔
