برازیل میں طوفانی بارشوں نے قیامت ڈھادی،23 افراد ہلاک

ریو ڈی :برازیل میں طوفانی بارشوں نے قیامت ڈھادی،23 افراد ہلاک،اطلاعات کے مطابق برازیل میں شدید طوفانی بارشوں نے تباہی پھیلادی جس کے نتیجے میں23 افراد کے ہلاک ہونے کی اطلاعات ہیں، سیلاب سے سب سے زیادہ متاثر ریو ڈی جینیرو کا پہاڑی علاقہ ہوا۔

تفصیلات کے مطابق برازیل میں شدید بارشوں کے سبب مٹی کے تودے گرنے کے نتیجے میں کم از کم 23 افراد ہلاک ہوگئے جبکہ متعدد افراد کے زخمی ہونے کی اطلاعات ہیں۔تیز بارش کے نتیجے میں سیلاب سے سب سے زیادہ متاثر ریو ڈی جینیرو کا پہاڑی علاقہ ہوا جہاں مٹی کے تودے گرنے کے نتیجے میں متعدد ہلاکتیں ہوئیں

خبر رساں ایجنسی کے مطابق برازیل کے صدر جائر بولسونارو جو اس وقت ماسکو کے سرکاری دورے پر ہیں، نے ٹوئٹر پر کہا کہ انہوں نے اپنے وزراء کو پیٹرو پولیس میں سیلاب کے متاثرین کی مدد کا کام سونپا ہے۔

ذرائع کے مطابق ہلاکتیں ریو ڈی جنیرو کے شمال میں پیٹرو پولیس قصبے میں ہوئیں۔ اطلاعات کے مطابق ہلاکتوں کی تعداد میں مزید اضافے کا اندیشہ ہے۔

برازیل کے شہر ریو ڈی جنیرو کے قریب بد ترین بارش اور مٹی کا تودہ گرنے سے 18 افراد ہلاک ہوگئے ہیں۔

خبر ایجنسی کے مطابق برازیل کی ریاست ریو ڈی جنیرو کے پہاڑی علاقے میں موسلا دھاربارشوں کے نتیجے میں مٹی کا تودہ گرنے اور سیلاب میں کم از کم 18 افراد ہلاک ہو گئے۔

حکام کا کہنا ہے کہ 180 سے زیادہ فوجی متاثرہ پیٹرو علاقے کو ریسکیو کررہی ہے، جبکہ ہلاکتوں میں اضافے کا خدشہ بھی ظاہر کیاجا رہا ہے۔بارش کے بعد سیلاب نے گاڑیوں اور گھروں کو کافی زیادہ نقصان پہنچایا ہے جبکہ متعدد گاڑیاں سیلاب میں بہہ گئی ہیں۔

اس سے قبل برازیل کی ریاست ساؤ پالو میں طوفانی بارشوں کے دوران مٹی کے تودے گرنے اور مکانات دبنے سے کم از کم 18 افراد ہلاک ہو گئے تھے۔

واضح رہے کہ برازیل کو سال کے آغاز سے ہی شدید بارشوں کا سامنا ہے، اس ماہ کے شروع میں مشرقی میناس گیریس میں 19 اموات ریکارڈ کی گئیں، جس کی سرحد شمال مشرق میں ساؤ پالو سے ملتی ہے۔

دسمبر میں بارشوں کے دوران کم از کم 21 افراد ہلاک اور دیگر 358 زخمی ہوئے، اس سیلاب کا بدترین سیلاب 24 دسمبر کو ڈیموں کے ایک جوڑے کے چلنے کے بعد آیا۔سیلاب نے ملک کی کورونا وائرس ویکسین مہم کو متاثر کیا ہے، ساؤ پالو شہر نے طے شدہ ویکسینیشن منسوخ کر دی ہے۔