عید کا دوسرا روز: جانوروں کی قربانی کا سلسلہ جاری ، بچے جوان دن بھرعید کی خوشیاں منانے میں مصروف
![](https://baaghitv.com/wp-content/uploads/2019/08/203575_3312621_updates.jpg)
لاہور : عید کا دوسرا روز بھی خوشیوں کے ساتھ شروع ، بڑی تعداد میں لوگ دوسرے روز بھی قربانی کے جانور ذبح کرنے میں مصروف ،اطلاعات کے مطابق ملک بھر میں عیدالاضحیٰ کے دوسرے روز بھی سنت ابراہیمیؑ پر عمل کرتے ہوئے دکھائی دے رہے ہیں.پاکستان میں عید الاضحیٰ مقبوضہ جموں و کشمیر میں بھارت کی ریاستی دہشت گردی کا شکار مظلوم کشمیریوں سے منسوب ہونے کے باعث مذہبی عقیدت اور سادگی سے منائی جارہی ہے۔
ذرائع کے مطابق دوسری جانب کراچی میں شدید بارشوں کے بعد جانوروں کی قربانی اور مختلف علاقوں میں آلائشوں کے ڈھیر لگ گئے ہیں۔ پہلے روز کی آلائشیں مکمل طور پر نہیں اٹھائی گئیں جس کے باعث بدبو کے بھبکوں نے شہریوں کو مصیبت میں ڈال دیا جبکہ آلائشیں اور صفائی ستھرائی کرنے والا عملہ غائب ہے۔ بارش کے بعد کیچڑ سے نشیبی علاقوں کی حالت اور بھی بدتر ہے۔
ضلعی انتظامیہ لاہور کی طرف سے بتایا گیا ہے کہ عیدالاضحیٰ کے پہلے روز 15 ہزار ٹن سے زائد آلائشیں اکٹھی کی گئی۔ ویسٹ مینجمنٹ کمپنی کے مطابق پہلے روز گزشتہ سال سے 20 فیصد زیادہ آلائشیں اٹھائی گئیں۔ انتظامیہ کا کہنا ہے کہ عید کے پہلے روز کی طرح باقی دو دنوں میں بھی بھرپور صفائی آپریشن کیا جائے گا اور شہریوں کے لیے ویسٹ بیگز دستیاب ہوں گے۔راولپنڈی میں بھی عیدالاضحیٰ پر انتظامیہ کی جانب سے صفائی کے انتظامات کے دعوے دھرے کے دھرے رہ گئے۔
xADVERTISEMENT