سال 2022 کی سونے کی سب سے بڑی ڈکیتی کی دلچسپ کہانی

کراچی :سال 2022 کی سونے کی سب سے بڑی ڈکیتی کی دلچسپ کہانی،اطلاعات کے مطابق ایس آئی یو نے سال 2022 کی سونے کی سب سے بڑی ڈکیتی ٹریس کرکے تین ملزمان کو گرفتار کر لیا، ان ملزموں کو کیسے گرفتار کیا اس کا کریڈٹ بھی سیکورٹی اداروں کو جاتا ہے

کہا جاتا ہے کہ مورخہ 2022۔01۔03 کوتھانہ فیروز آباد کی حدود میں MF جیولرز کا ایک کلو سے زائد سونا جس کی مالیت تقریبا ڈیڑھ کروڑ روپے تھی لوٹ لیا گیا تھا۔

رضوان نامی ایک جیولرز نے اپنے شریک ملزمان کو انفارمیشن دی کہ MF جیولرز کی دوکان کا سونا ان کے دو ملازمان لے کر جائیں گے اس انفارمیشن پر آٹھ ملزمان نے موٹر سائیکلوں پر سونا لیکر جانے والے ملازمان کا پیچھا کیا اور شاہراہ فیصل سے سندھی مسلم سوسائٹی کی طرف جانے والے راستے میں دوسرے جمپ پر روک کر اسلحہ کے زور پر سارا سونا لوٹ لیا اور فرار ہوگئے

افسران بالا کی طرف سے SIU کو یہ کیس حل کرنے کا ٹاسک دیا گیا۔ایس آئی یو نے تمام وسائل بروئے کار لاتے ہوئے تین ملزمان کو گرفتار کرکے ان سے لوٹے ہوئے تین عدد گولڈ بسکٹ وزنی 30 تولہ اور تین عدد پستولیں برآمد کرلیں۔

گرفتار ملزمان میں 1. سید رضوان علی 2. محمد دانیال اور 3. محمد ذیشان شامل تھے ،جبکہ ملزمان کے دیگر ساتھیوں کی گرفتاری کے لیے چھاپے مارے جا رہے ہیں۔گرفتار ملزمان قبل ازیں ایک قتل، 03 پولیس مقابلہ، 10 ڈکیتی سمیت چوری، منشیات اور ناجائز اسلحہ کے 26 مقدمات میں گرفتار ہو چکے ہیں. گرفتار ملزمان کے خلاف ناجائز اسلحہ کی برآمدگی پر تھانہ ایس آئی یو میں تین مقدمات درج کر لیے گئے ہیں. ملزمان سے مزید تفتیش جاری ہے