کراچی: عالمی شہرت یافتہ قوال زمان ذکی تاجی کراچی کے آغا خان اسپتال میں انتقال کر گئے-
باغی ٹی وی : زمان ذکی تاجی گزشتہ کئی ماہ سے کینسر کے مرض میں مبتلا تھے ان کا علاج بھی ہو رہا تھا کہ اچانک طبیعت بگڑنے پر انہیں اسپتال لے جایا گیا جہاں وہ دوارن علاج خالق حقیقی سے جا ملے۔
خاندانی ذرائع کے مطابق زمان ذکی تاجی قوال کی نماز جنازہ پیر کے دن بعد نماز ظہر مسجد الانا شو مارکیٹ پہ ادا کی جائے گی۔
زمان ذکی تاجی کی مشہور قوالیوں میں ہمیں تو مست کیا اور روبرو یار شامل ہیں زمان ذکی تاجی پاکستان کے مشہور قوال ذکی تاجی کے بیٹے تھے زمان ذکی تاجی مرحوم کی طویل خدمات کو پیش نظر رکھتے ہوئے انھیں تمغہ امتیاز سے بھی نوازا گیا تھا۔
