خواجہ اجمیر نگری کی حدود میں پولیس مقابلہ

کراچی : خواجہ اجمیر نگری کی حدود میں پولیس مقابلہ

تفصیلات کے مطابق شہر قائد کراچی میں خواجہ اجمیر نگری کی حدود میں پولیس مقابلہ ہوا اور
دو طرفہ فائرنگ کے نتیجے میں 1 ڈاکو زخمی حالت میں گرفتار جبکہ دوسرا ملزم فرار ہو گیا ۔
مقابلہ 4K چورنگی کے قریب منگھوپیر جانے والے روڈ پر ہوا ۔

زخمی ملزم کی شناخت شوقین ولد معصوم حسین نام سے ہوئی جبکہ فراری ملزم کی شناخت ابھی نہیں ہوسکی ۔
گرفتار مضروب ملزم کے قبضے سے 1 عدد TT پسٹل 30 بور لوڈ میگزین، 1 موٹر سائیکل بلا نمبر اور 6 موبائل فون برآمد ہوا ۔

پولیس کے مطابق دورانِ گشت ملزمان کو سیکٹر 4J میں روکا تھا مگر ملزمان پولیس کو دیکھتے ہی فائرنگ کرتے ہوئے فرار ہوئے ۔ پولیس کے تعاقب اور جوابی فائرنگ سے ایک ملزم زخمی حالت میں گرفتار ہوا جبکہ ملزم کا دوسرا ساتھی فرار ہو گیا
زخمی ملزم کو طبی امداد کے لیے فوری طور پر عباسی شہید اسپتال منتقل کیا گیا ہے ۔ زخمی ملزم پہلے بھی گرفتار ہو چکا ہے ۔ جبکہ ملزم کا کرمنل ریکارڈ چیک کیا جا رہا ہے اور انٹروگیشن کا عمل جاری ہے ۔
ملزمان کے خلاف پولیس مقابلہ اور ناجائز اسلحے کے مقدمات درج کرکے شعبہ تفتیش کے حوالے کیا جا رہا ہے ۔