گورنر بلوچستان سے آئی جی پولیس بلوچستان کی الوداعی ملاقات

کوئٹہ : گورنر بلوچستان سے آئی جی پولیس بلوچستان کی الوداعی ملاقات،اطلاعات کے مطابق گورنر بلوچستان سید ظہور احمد آغا سے انسپکٹر جنرل پولیس محمد طاہر رائے نے آج یہاں گورنر ہاؤس کوئٹہ میں الوداعی ملاقات کی جس میں گورنر بلوچستان نے رائے محمد طاہر کی بلوچستان کیلئے سرانجام دینے والی گرانقدر خدمات کو سراہا۔

الوداعی ملاقات کے موقع پر گورنر بلوچستان نے کہا کہ انسپکٹر جنرل پولیس نہ صرف ایک بڑی ذمہ داری ہے بلکہ ایک اعزاز بھی ہے. انہوں نے کہا کہ ایک فرض شناس اور دیانت دار اعلیٰ آفیسر کا پورے ادارہ پر مثبت اور تعمیری اثرات مرتب ہو جاتے ہیں. اس ضمن میں یہ بات خوش آئند ہے کہ آپ کی موجودگی میں محکمہ پولیس کارکردگی، پروموشن اور نئی تعیناتی کے مرحلوں میں خاصی بہتری آ چکی ہے.

گورنر بلوچستان سید ظہور احمد نے آئی جی پولیس بلوچستان محمد طاہر رائے کی مزید کامیابی اور سرخروئی کیلئے نیک خواہشات اور تمناؤں کا اظہار کیا.