ایک ہی لڑکی سے محبت،دولہا کو سگے بھائی نے قتل کر دیا

پشاور: تھانہ خزانہ کی حدود میں دولہا کے اندھے قتل میں ملوث سگا بھائی نکلا،پولیس نے ملزم کو گرفتار کر کے تفتیش شروع کر دی-

باغی ٹی وی : تفصیلات کے مطابق دولہا فاروق کے قتل میں اس کا سگا بھائی ملوث نکلا مقتول فاروق کی رواں ماہ 4 مارچ کو شادی ہونے والی تھی اور اسے مہندی کی تقریب سے سنسان جگہ بلا کر قتل کیا گیا ملزم اسد خان بھائی کو قتل کرنے کے بعد لاش کو پھینک کر جائے وقوعہ سے فرار ہوا۔

اسلام آباد: پولی کلینک کی نرس سمیت چار افراد قتل،ملزم گرفتار

پولیس حکام کے مطابق ملزم اسد خان اپنے مقتول بھائی کی تجہیز و تکفین میں بھی موجود تھا تفتیشی ٹیم نے مقتول کے دیگر عزیز و اقارب سمیت مقتول کے بھائی کو بھی شامل تفتیش کیا سرسری تفتیش کے دوران اسد خان نے اصل حقائق سے پردہ اٹھایا۔

پولیس کے مطابق ملزم نے ابتدائی تفتیش کے دوران بھائی کے قتل کا اعتراف کرتے ہوئے بتایا کہ وہ مقتول بھائی کی منگیتر سے شادی کا خواہشمند تھا جس کے لیے اسے راستے سے ہٹادیا ملزم کے قبضہ سے اسلحہ بھی برآمد کر لیا گیا ہے اور دوران تفتیش مزید اہم انکشافات کی توقع کی جا رہی ہے۔

ڈی آئی جی ویسٹ زون کا منشیات فروشوں کے خلاف کریک ڈاؤن کا حکم

قبل ازیں اسلام آباد میں تھانہ آبپارہ کی حدود سیکٹر جی سکس ون میں فائرنگ سے پولی کلینک کی نرس سمیت چار افراد قتل کر دیئے گئے تھے ملزم نے پہلے اپنی بیوی نرس اور اس کے اسٹاف کے ساتھی کو فائرنگ کرکے قتل کیا تھا اس کے بعد دوسری جگہ جا کر سسر اور بہنوئی کو بھی فائرنگ کرکے قتل کیا تھا ملزم کے باہر نکلنے پر پڑوس سے ایک شخص نے فائرنگ کرکے اس کو زخمی کر دیا تھا ۔واقعہ گھریلو ناچاقی کی وجہ سے پیش آیا تھا-

بھارتی شخص نے کویتی خاندان کو موت کے گھاٹ اتار دیا