بھارت کو ایک اور شکست ، سلامتی کونسل اجلاس کی مخالفت نہیں کریں گے ، دیرینہ دوست کا اعلان ، وہ دیرینہ دوست کون ہے ؟ جانئیے اس رپورٹ میں
![](https://baaghitv.com/wp-content/uploads/2019/08/203618_7427261_updates.jpg)
ماسکو: روس نے مسئلہ کشمیر پر غیر جانبدار رہنے کا اشارہ دے دیا مقبوضہ کشمیر کے مسئلے پر بھارت کے سب سے بڑے دوست روس نے بھی اسے مایوس کر دیا۔اس سلسلے میں وزیر خارجہ شاہ محمود قریشی نے روسی ہم منصب سرگئی لاروف سے ٹیلی فون پر رابطہ کر کے انہیں مقبوضہ کشمیر کی تشویشناک صورت حال سے آگاہ کیا۔ روسی ہم منصب نے کہا کہ وہ سلامتی کونسل کے کشمیر پر بلائے جانے والے اجلاس کی مخالفت نہیں کرے گا
ذرائع کے مطابق شاہ محمود قریشی سے بات کرتے ہوئے روسی وزیر خارجہ نے بھارت کے ساتھ تمام تصفیہ طلب امور کو پُرامن طریقے سے حل کرنے کی اہمیت پر زور دیا۔دوسری جانب اقوام متحدہ میں روسی مندوب کا میڈیا سے بات چیت میں کہنا تھا کہ ہمارا ملک کشمیر سے متعلق سلامتی کونسل کا اجلاس بلائے جانے کی مخالفت نہیں کرے گا۔
خیال رہے کہ پاکستان کے مطالبے پر اقوام متحدہ کی سلامتی کونسل کا اجلاس 16 اگست کو ہو رہا ہے جس میں تقریباً 50 برس بعد مقبوضہ کشمیر کا معاملہ زیر بحث آئے گا۔