ڈھاکہ :بنگلہ دیش:مندر پرحملہ، مشتعل افراد کی مندرمیں توڑ پھوڑ،اطلاعات کے مطابق بنگلہ دیش کے دارالحکومت ڈھاکہ کے ایک مندر میں مشتعل افراد کے ہجوم نے ایک مندر پر حملہ کی اور مندر میں توڑ پھوڑ کی۔
بھارتی میڈیا کے مطابق ڈھاکہ کے اسکون ٹیمپل کے ایک مندر میں تقریباً 150 کے قریب نامعلوم مشتعل افراد نے دھاوا بول کر مندر میں توڑ پھوڑ کی۔
بتایا جا رہا ہے کہ یہ حملہ ڈھاکہ کے رادھا کانتا مندر میں ہوا، جو اسکون ٹیمپل کا حصہ ہے، ہندوؤں نے حملہ آور افراد پر مندر میں لوٹ مار کا الزام بھی عائد کیا۔
https://twitter.com/VoiceOfHindu71/status/1504480904814620680?ref_src=twsrc%5Etfw%7Ctwcamp%5Etweetembed%7Ctwterm%5E1504480904814620680%7Ctwgr%5E%7Ctwcon%5Es1_&ref_url=https%3A%2F%2Fwww.bolnews.com%2Furdu%2Flatest%2F2022%2F03%2F539552%2F
بنگلہ دیش میں ہندو برادری کے لیے کام کرنے والی ایک تنظیم نے اپنے ٹوئٹر اکاؤنٹ پر اس حملے کی کچھ تصاویر اور معلومات شیئر کی ہیں۔ ان تصاویر میں دیکھا جا سکتا ہے کہ مندر کی ایک دیوار گرائی گئی ہے۔ اس کے ساتھ وہاں سے سامان بھی لوٹ لیا گیا ہے۔
تنظیم کے مطابق درشن کے لیے آئے ہوئے عقیدت مندوں نے پولیس کو حملے کی اطلاع بھی دی لیکن پولیس نے کوئی کارروائی نہیں کی۔ اس سے پہلے بھی بنگلہ دیش میں مندروں کو نشانہ بنایا جا چکا ہے۔
پچھلے سال اکتوبر میں، چومنی میں واقع اسکون کے شری شری رادھا کرشنا گورا نتیانند جیو مندر پر بھی ہجوم نے حملہ کیا تھا اور توڑ پھوڑ کی تھی۔ اس حملے میں 6 سے زائد افراد کی موت کی بھی خبریں آئی تھیں۔ اس کے ساتھ دیگر کئی شہروں میں مندروں پر بھی حملے ہوئے۔