اسلام آباد:وزیراعظم عمران خان کے ناراض ساتھیوں کی واپسی شروع گئی:ووٹ دینے کااعلان ،اطلاعات کے مطابق پاکستان تحریک انصاف (پی ٹی آئی) کے ملتان سے منتخب ہونے والے رکن اسمبلی احمد حسین ڈیہڑ نے موقف میں تبدیلی لاتے ہوئے کہا ہے کہ تحریک عدم اعتماد میں وزیراعظم عمران خان کا ساتھ دیں گے۔
یاد رہےکہ ملک احمد حسین ڈیہر پی ٹی آئی کے ان منحرف اراکین قومی اسمبلی میں سے ایک ہیں جو مبینہ طور پر اس ماہ کے اوائل میں اسلام آباد میں سندھ ہاؤس میں موجود تھے۔اور اس وقت ان کے بارے میں حکومت مخالف میڈیا طرح طرح کے بیانات منسوب کررہا تھا لیکن آج انہوں نے سب کو حیران کردیا
قومی اسمبلی اجلاس میں شرکت کے بعد پارلیمنٹ ہاؤس کے باہر صحافیوں نے احمد حسین ڈیہڑ سے سوال پوچھا کہ عدم اعتماد کے ووٹ پر کہاں کھڑے ہیں تو اس پر جواب دیتے ہوئے انہوں نے کہا کہ خدا کے فضل سے میں حکومت کے ساتھ ہوں۔
جب ان سے پوچھا گیا کہ کیا ان کے تحفظات کو دور کیا گیا ہے، تو انہوں نے کہا کہ وہ دور کیے جا رہے ہیں، بات چیت ہو رہی ہے۔
انہوں نے اعتراف کیا کہ وزیر اعظم سے ملاقات کی ہے اور کہا ہے کہ میرے کچھ مسائل ہیں جو وہ عمران خان حل کریں گے، وہ مسائل حل کیے جا رہے ہیں اور اس کے بعد میں ان کی حمایت کروں گا۔ایک اور سوال کے جواب میں رکن قومی اسمبلی نے کہا کہ وہ اب بھی حکمران جماعت کا حصہ ہیں۔
ادھر باوثوق ذرائع کا کہنا ہے کہ آج رات تک مزید 5 ارکان کی واپسی کی اطلاعات ہیں اور ہوسکتا ہےکہ 27 تاریخ تک روٹھے ہوئے سارے واپس آجائیں اور یہ بھی ممکن ہے کہ اس سےپہلے معاملات وزیراعظم طئے ہوجائیں جیسا کہ اس وقت اسلام آباد میں کچھ ایسے ہی ہورہا ہے
