فحش فلموں کی اداکارہ کو قتل کر کے لاش کے ٹکڑے کر دیئے گئے

اٹلی میں فحش فلموں کی 26 سالہ اداکارہ کو بے رحمی سے قتل کرکے لاش کے ٹکڑے کردئیے گئے۔

باغی ٹی وی : غیر ملکی میڈیا کے مطابق پولیس نے 43 سالہ بینکر ڈیوڈ فونٹانہ کو مبینہ طور پر فحش فلموں کی 26 سالہ اداکارہ کیرول مالتیسی کو قتل کرنے کے الزام میں گرفتار کیا ہے کیرول مالتیسی، شارلٹ اینگی کے نام سے بھی مشہور تھی۔

نوبیاہتا جوڑے کی شادی کے چند گھنٹوں بعد دسویں منزل سے چھلانگ لگا کر خودکشی

رپورٹس کے مطابق ملزم نے نا صرف اداکارہ کو قتل کیا بلکہ اس کی لاش کے ٹکڑے ٹکڑے کرکے اسے سڑک کنارے پھینک دیا۔ اداکارہ کی کٹی ہوئی لاش 20 مارچ کو ملی تھی ملزم پر قتل، شواہد کو تباہ کرنے اور لاش کو چھپانے کے سنگین الزامات لگائے گئے ہیں۔

یہ پورا واقعہ 20 مارچ 2022 کو اتوار کو اس وقت منظر عام پر آیا جب پالین دی بورنو کے ایک مقامی نے بریشیا اور برگامو کے صوبوں کے درمیان ایک پہاڑی سڑک کے قریب واقع کچرے کے پاس کچھ عجیب و غریب پلاسٹک کے تھیلے پھینکے ہوئے پائے۔

تمام تھیلے انتہائی مشکوک نظر آ رہے تھے کیونکہ کچھ غیر قانونی لوگ بھی اپنا کوڑا اس علاقے میں پھینک رہے تھے۔ لہذا، مقامی فرد نے بیگ کو چیک کیا تو ان میں انسانی جسم کے اعضاء بے دردی سے کاٹنے کے بعد بیگ میں بھرے ہوئے تھے۔ جب اس نے چاروں تھیلوں کو کھولا تو اسے معلوم ہوا کہ یہ ایک عورت کی لاش تھی جس کے 15 ٹکڑے کیے گئے تھے۔

مرغوں کی لڑائی میں 19 افراد جان سے ہاتھ دھوبیٹھے

پولیس نے لاش کو اپنی تحویل میں لے کر تفتیش کی تو پتہ چلا کہ لاش کے جسم پر کل 11 ٹیٹو بنے ہوئے ہیں۔ پولیس نے ٹیٹو کی تصاویر اس امید پر جاری کیں کہ کوئی اس کے متعدد ٹیٹوز سے اسے پہچان لے گا پولیس کی چال کام کر گئی اور ہلاک ہونے والی خاتون کی شناخت کیرول مالٹیسی کے نام سے ہوئی جس کی عمر 26 سال تھی-

تاہم شک کی بنا پر پولیس نے 43 سالہ بینکر ڈیوڈ فونٹانہ کو گرفتار کیا تو تحقیقات کے دوران ملزم نے مبینہ طور پر جرم کا اعتراف کرتے ہوئے کہا کہ اس نے اداکارہ کو جنوری میں قتل کیا تھا اس کے علاوہ اس نے انکشاف کیا کہ قتل کرنے کے بعد اس نے لاش کو ڈیپ فریزر میں رکھ دیا تھا بعد ازاں ایک ماہ بعد سڑک پر پھینک دیا۔

یوکرینی افواج کا روسی آئل ڈپو پر حملہ، روس کا شدید ردِعمل

رپورٹس میں یہ بھی بتایا گیا ہے کہ متوفی اور ملزم ڈیوڈ فونٹانہ ایک دوسرے کو پسند کرتے تھے، تاہم ان کے تعلقات تیزی سے ختم ہوگئے تھے پولیس نے شبہ ظاہر کیا ہے کہ اداکارہ پر ہتھوڑے سے حملہ کیا گیا تھا۔

واضح رہے کہ قتل ہونے والی اداکارہ ہاف اطالوی اور ہاف ڈچ تھی فحش فلموں میں کام کرنے سے قبل وہ ایک پرفیوم کی دوکان میں بطور معاون کام کرتی تھی تاہم کووڈ 19 کے لاک ڈاؤن کے دوران وہ فحش فلموں میں اداکاری کرنے پر مجبور ہوگئی اداکارہ کی ایک 6 سال کی بیٹی بھی ہے۔

بھارت نے روس سے روسی کرنسی میں تجارت کی تو نتائج بھگتنا ہوں گے، امریکا