فریضہ حج کی ادائیگی کے بعدحاجیوں کی واپسی شروع

فریضہ حج کی ادائیگی کے بعد حاجیوں کے قافلے واپس آنا شروع ہو گئے ۔ نجی ائر لائن کی پہلی پرواز دو سو سات حجاج کرام کو سعودیہ سے لے کر لاہور علامہ اقبال انٹرنیشنل ائیرپورٹ پر پہنچ گئی۔

حج بیت اللہ کے سعادت مند حضرات حجاج کرام کی وطن واپسی سے متعلق پوسٹ حج آپریشن شروع کردیا گیاہے۔ نجی ائر لائن کی پرواز دو سو سات حاجیوں کو لے کر لاہور کے علامہ اقبال انٹرنیشنل ائرپورٹ پہنچی ۔

حج بیت اللہ کی سعادت حاصل کر کے واپس آنے والے افراد کی ان کے عزیز و اقارب نے ائیر پورٹ پر پھولوں کے پار پہنا کر ان کا پرتپاک استقبال کیا۔ وطن واپس پہنچنے والے حاجی خوشی سے نہال تھے، پہلی پرواز کے ذریعے پہنچنے والے حاجیوں نے دوران حج حکومت کی جانب سے کئے جانے والے انتظامات پراطمینان کا اظہار بھی کیا۔

حج کی ادائیگی کے بعد آنے والے حاجیوں کی واپسی کا سلسلہ پندرہ ستمبر تک جاری رہے گا۔