کراچی: میچ کے دوران ہیٹ اسٹروک سے جاں بحق ہونیوالے کرکٹر کے گھر سوگ کا سماں

کراچی: میچ کے دوران ہیٹ اسٹروک سے جاں بحق ہونیوالے کرکٹر کے گھر سوگ کا سماں،اطلاعات کے مطابق اتوار کے روز کراچی کے کرکٹ گراؤنڈ میں مبینہ طور پر ہیٹ اسٹروک سے جاں بحق ہونے والے کرکٹر عمر خان کے گھر پر سوگ کا سماں ہے۔

کراچی کا گرم موسم کھلاڑیوں کیلئے بھی پریشانی کا سبب بن گیا ہے، دو دن کھیل کے میدان سے موت کے منہ میں جانے والے عمر خان کے گھر سوگ کا عالم ہے۔

جاں بحق ہونے والے کرکٹر کے بھائی کا کہنا ہے عمر کے دو بچے ہیں اور اُن کی بیوی کینسر کی مریضہ ہیں، عمر کسی قسم کی کوئی دوا نہیں لیتے تھے ، وہ اپنی غذا کا بہت خیال رکھتے تھے۔

دوسری جانب ٹیم کے کپتان محمد یاسر نے وہ شرٹ دکھائی جو اپنا آخری میچ کھیلتے ہوئے پہنے ہوئے تھے ، ان کا کہنا تھا کہ برین ہیمبرج کی وجہ سے عمر جان کی بازی ہارگئے۔

محمد یاسر نے بتایا کہ عمر خان نے میچ کی جو آخری گیند کرا ئی وہ اُن کی زندگی کی بھی آخری گیند ثابت ہوئی، ٹیم کی ٹرافی اور میچ کی شرٹ عمر کی یادوں کو ہمیشہ تازہ رکھے گی۔