گجرات: خواتین کو غیرت کے نام پر قتل کی وارداتوں میں مسلسل اضافہ،4 خواتین پھر بھینٹ چڑھ گئیں-
باغی ٹی وی : گجرات پولیس کے مطابق رواں ہفتے کے دوران ضلع گجرات میں 4 خواتین کو غیرت کے نام پر بے دردی کیساتھ قتل کیا گیا غیرت کے نام پر بھینٹ چڑھنے والوں میں 4 خواتین شامل ہیں جن کی عمریں عمریں 17 سے 25 سال کے درمیان ہیں-
خواتین پر چوری کا الزام لگا کر تشدد کرنے والے 6 ملزمان گرفتار
پولیس کا کہنا تھا کہ تھانہ بولانی کی حدود میں 25 سالہ کاٸنات کو فاٸرنگ کرکے قتل کردیا، تھانہ منگوال کی حدود میں 17 سالہ شانزہ کو زہر دے کر مار دیا گیا-
پولیس نے مزید بتایا کہ تھانہ گلیانہ کی حدود میں عروج اور انیسہ کو فاٸرنگ کرکے موت کے گھاٹ اتار دیا،قاتلوں میں اپنے خونی رشتے اور رشتہ دار شامل ہیں جن کے خلاف سرکار کی مدعیت میں مقدمات درج کئے گئے ہیں-
قبل ازیں بہاولنگر میں خواتین پر چوری کا الزام لگا کر ان کے ساتھ نارواں سلوک کرنے والے 6 ملزمان کو پولیس نے گرفتار کیا تھا بہاول نگر پولیس نے فوری ایکشن لیتےہوئےخواتین کو ہراساں کرنے والے 6 ملزمان کو گرفتار کیا تھا وزیر اعلیٰ پنجاب اور آئی جی پنجاب نے واقعہ کا نوٹس لیتے ہوئے ملزمان کی فوری گرفتاری کی ہدایت کی تھی۔
نیپال:نجی ائیر لائن کا طیارہ اڑان بھرنے کے چند منٹ بعد لاپتہ
آئی جی پنجاب کے حکم پر ڈی پی او بہاولنگر نے ہارون آباد کا دورہ کیا اور متاثرہ خواتین سے ملاقات بھی کی تھی گرفتار ملزمان میں محمد حسنین ، بلاول اسلم ، غلام حسین ، عبدالغفور ، ثاقب رضا ، اور محمد عاقب شامل ہیں۔
ڈی پی او بہاولنگر فیصل گلزار کا کہنا تھا کہ اندراج مقدمہ کے بعد واقعہ کی ہر پہلو سے تفتیش کی جارہی ہے، خواتین پر تشدد اور ہراساں کرنے والے ملزمان کسی رعایت کے مستحق نہیں، ملزمان کو قرار واقعی سزا دلائی جائے گی۔
