گورنر پنجاب محمد بلیغ الرحمان سے کاٹن جننگ(Ginning) ایسوسی ایشن کے وفد نےگورنر ہاوس لاہور میں ملاقات کی ہے،وفد میں چیئرمین پاکستان کاٹن جنرز ایسوسی ایشن سہیل احمد ہرل، سینئر وائس چیئرمین مکیش کمار اور دیگر شامل تھے.
کاٹن جننگ(Ginning) ایسوسی ایشن کے وفد نے گورنر پنجاب کو کاٹن جنرز کو درپیش مسائل سے آگاہ کیا اور کہا کہ کپاس کے بیج (بنولہ)، کھل، تیل اور را کاٹن (Raw Cotton) پرسابقہ حکومت نے 17 فیصد ٹیکس عائد کیا. عائد ٹیکس سے کپاس کی فصل کی پیداوار متاثر ہو رہی ہے.
کاٹن جننگ(Ginning) ایسوسی ایشن کے وفد نے بتایا کہ ٹیکسٹائل سیکٹر کی برآمدات متاثر ہو رہی ہیں. گورنر پنجاب بلیغ الرحمان نے وفد سے گفتگو کرتے ہوئے کہا کہ کپاس کی فصل کی بحالی کے لیے کاٹن جنرز کے مسائل کے حل کے لیے سفارشات متعلقہ حلقوں تک پہنچاوں گا.
گورنر پنجاب کا کہنا تھا کہ کپاس کی فصل سے بہت سے لوگوں کا روزگار منسلک ہے. ٹیکسٹائل مصنوعات کی برآمدات میں اضافے سے ملک کی معیشت مضبوط ہو گی.ٹیکسٹائل کے شعبے کا ملکی برآمدات اور معیشت میں ایک اہم کردار ہے.ٹیکسٹائل انڈسٹری کو فروغ دینے کے لیے کپاس کے معیاری بیج پہ کام کرنے کی ضرورت ہے.
گورنر پنجاب پلیغ الرحمان نے کاٹن جنرز ایسوسی ایشن کو یقین دہانی کرائی کہ ان کی سفارشات اور سیلز ٹیکس میں کمی کی درخواست وزیراعظم تک پہنچاوں گا جس پرچیئرمین پاکستان کاٹن جنرز ایسوسی ایشن سہیل ہرل نے کہا کہ کپاس کی پیداوار اچھی ہو گی تو کاٹن جننگ فیکٹریاں چلیں گی اور ملک کی معیشت بہتر ہو گی.
